Bələdiyyə üzvü: "Məsuliyyətli yanaşma və sistemli fəaliyyət"
Sumqayıt Bələdiyyəsinin üzvü, 31 nömrəli tam orta məktəbin
direktoru Leyla Əliyeva bələdiyyənin 2025-ci il üzrə fəaliyyətinin yekun
hesabatı ilə bağlı fikirlərini bölüşüb. O, hesabatın hazırlanma keyfiyyətini və
görülən işlərin səmərəliliyini yüksək qiymətləndirib:
“Sumqayıt Bələdiyyəsinin 2025-ci il üzrə fəaliyyətinin yekun
hesabatı şəffaf idarəetmə, səmərəli fəaliyyət və davamlı inkişaf prinsiplərinə
tam uyğun şəkildə hazırlanaraq ictimaiyyətə təqdim olunub. Hesabatda görülən
işlərin sistemli və dolğun əks etdirilməsi, əldə olunan nəticələrin dərindən təhlil
edilməsi xüsusilə təqdirəlayiqdir.”
Komanda işi və prinsipial rəhbərlik uğurun əsasıdır
Leyla Əliyeva bələdiyyədəki iş mühitinə və rəhbərliyin
yanaşmasına da xüsusi toxunub. O bildirib ki, bələdiyyə rəhbərliyinin məsuliyyətli
və prinsipial yanaşması hesabatda aydın şəkildə öz əksini tapıb, eyni zamanda
bu tələbkarlıq kollektivin gündəlik fəaliyyətində mühüm rol oynayır.
Bələdiyyə üzvü kimi bir il ərzində bu kollektivlə
çiyin-çiyinə çalışdığını vurğulayan Leyla Əliyeva, burada komanda işinin və məsuliyyətli
yanaşmanın yüksək səviyyədə olduğunun şahidi olduğunu qeyd edib.
Xanım
bələdiyyə üzvü sonda bu fikirləri bildirib:
“Görülən işlərin şəffaf, ardıcıl və dolğun şəkildə təqdim
olunması bələdiyyəmizin sakinlərinə verdiyi dəyərin göstəricisidir. Bir ildir
bu kollektivin üzvü kimi fəaliyyət göstərirəm və komanda işinin nəticələrdə
aydın şəkildə göründüyünü xüsusi vurğulamaq istərdim. Ümumilikdə, təqdim olunan
hesabatı təqdirəlayiq hesab edirəm”
Rəylər
0 Rəy