Tələbələlərin bələdiyyə üzvləri ilə görüşü keçirilib
Sumqayıt Regional Vəkil Bürosu ilə Sumqayıt Bələdiyyəsi arasında və Qadın Təşəbbüsü və Sosial Problemlərin Həllinə Yardım İB arasında bağlanmış əməkdaşlıq memorandumuna əsasən 15 aprel 2016-cı il tarixdə ölkənin müxtəlif Universitetlərinin Hüquq fakültələrində təhsil alan bir qrup tələbə ilə bələdiyyə üzvlərinin görüşü keçirilib.
Bələdiyyə sədri Adil Xudadatov tələbələri salamlayaraq,
onlara Sumqayıt bələdiyyəsinin fəaliyyəti haqqında ətraflı məlumat verib, dərsdən
asudə vaxtlarında bələdiyyə ilə könüllü əməkdaşlığa dəvət edib.
Tədbirdə Bələdiyyənin tələbələrə müxtəlif güzəştlər tətbiq
etməsi, tələbə təqaüdünün təsis olunması imkanları müzakirə edilib.
Vəkil Anar Qasımlı tələbələrin bələdiyyəyə ekskursiyasının təşkili
təşəbbüsünün yenilik olduğunu, Hüquq fakültələri ilə bələdiyyələr arasında əməkdaşlağın, təcrübə
mübadiləsinin zəruriliyini vurğulayaraq, səmimi qəbula görə təşəkkürünü
bildirib.
Birlik sədri Zemfira Mustafayeva Sumqayıt bələdiyyəsinin fəaliyyətində
nəzərəçarpacaq irəliləyişlərin olduğunu bildirərək, yerli özünü idarə etmə
orqanlarının QHT-lərlə əməkdaşlağının zəruriliyinə diqqət çəkib.
Sonda xatirə şəkli çəkilib və görüşlərin davamlı olmasına qərar verilib.
Rəylər
0 Rəy