Gədəbəy RİH -ə yenicə təyinat alan Hacıbaba Babayevin belə tezliklə işə adaptasiya olacağını,  etiraf edim ki, gözləmirdim. Şəhərin mərkəzi rayonlarının birində icra başçısının birinci müavini kimi məsul bir vəzifədə qazandığı təcrübəni az bir zaman kəsiyində  ucqar dağ rayonunda tətbiq etmək elə də asan iş deyildi.  Görünən odur ki, siyasi rəhbər əldə edilən təcrübənin tətbiqinə başlayıb.  Həmdə  unutmayaq ki, Binəqədi RİH-də çalışdığı dövrdə Hacıbaba Babayev  praktiki şəkildə zəngin idarəçilik məktəbi keçib.

Beləliklə, təyinatının artıq səhəri günü Gədəbəy şəhərində şəhərlə tanışlığa başlamaq, Heydər Əliyev parkında görülən işlərlə tanış olmaq, parkın aid olduğu bələdiyyənin sədrinin görülən işlərlə bağlı məlumatlarını dinləmək  siyasi rəhbərin ölkə başçısının etimadını layiqincə döğruldacağından xəbər verir.

Bütün hallarda bizdə bu işdə siyasi rəhbərə dəstək verməklə  onun bələdiyyələrin üzləşdiyi çətinliklərin aradan qaldırılmasına dəstək verəcəyinə inanırıq.

Bir daha xatırlatmaq istərdim ki, hazırda rayonda formalaşan 10 bələdiyyədən yalnız ikisinin bank hesabı açıqdır və yalnız ikisinin fəaliyəti təcrübəsi yayıla biləcək səviyyədədir. Bu sıraya fəaliyyəti ilə  tanış olduğu Gədəbəy şəhər bələdiyyəsi və Slavyanka bələdiyyəsidir. Digər bələdiyyələrin isə üst -üstə 500 mindən artıq DSMF-yə borcu var. Bu qədər borcun bağlanılmasında bələdiyyələrin sözsüz ki, siyasi rəhbərin dəstəyinə, ən əsası tövsiyələrinə ehtıyacı olacaqdır. Düşünürəm ki, Binəqədi rayonuda olduğu kimi, Gədəbəydə də artıq siyasi rəhbər statusunda olan  Hacıbaba Babayev bu dəstəyi göstərəcəkdir.  

Beləliklə, bir neçə gündür siyasi rəhbər rayonla tanışlığını davam etdirir. Hər halda icra başçısının bu addımı təqdirəlayiq bir haldır, qəbul ediləndir və gözləniləndir. Bizə isə bu işdə siyasi rəhbərə  və rayon sakinlərinə yalnız  uğurlar arzulamaq qalır.

Vüqar Tofiqli