Aprel ayı ərzində görüşə dəvət edildiyim Şabran, Saatlı bələdiyyələrində, o cümlədən yeni tərkibdə fəaliyyət göstərən Şirvan bələdiyyəsində, habelə subvensiya layihəsinin icrası ilə yerində tanış olmaq üçün Sabirabad bələdiyyələrini ziyarət etdim və sədrlərin, habelə qulluqçuların iştirakı ilə görüşlər keçirtdim.

Dəvət edildiyim Şabran və Saatlı bələdiyyələrində keçirilən görüşlərdə Şabran rayonunda formalaşan  beş bələdiyyənin  sədrləri, Saatlıda isə böyük bələdiyyələr sırasında olan Nərimanov bələdiyyəsinin sədri iştirak edirdi. Dörd şəhər bələdiyyəsinin üçünün sədri yeni seçilənlər sırasında idi. Məhz yeni seçilmişlərin hansı forma və məzmunla fəaliyyətə başlamaları açığı mənə maraqlı idi.

Şabran və Saatlı şəhərlərində ilk dəfə idi  bələdiyyənin inzibati binasında olurdum.

Diqqətimi çəkən bəzi məqamları sizlərlə bölüşmək istərdim.

***

Fəaliyyətlərinin yüz günü tamam olmamış artıq Şabran və Saatlı bələdiyyələrinin inzibati  binalarında əsaslı təmir işləri aparılmış, əməkdaşların  normal fəaliyyəti üçün,  demək olar ki, tam şərait yaradılmışdır. Və ən əsası bu sədrlərdə konkret fəaliyyət proqramının olduğunu hiss etdim. Onu da əlavə edim ki, indiyədək bu bələdiyyəılərə rəhbərlik etmiş şəxslərlə əlaqə, bələdiyyələrlə  isə əməkdaşlıq əlaqələri qurulmasına cəhd olunsa da alınmamış, əslində qarşı tərəfin bu əməkdşalığa heç marağının olmaması isə hər zaman  təəsüf doğurmuşdur.

Görünür, bu bələdiyyələrlə rəhbərlik edənlərin fəaliyyətlərinin olmaması, üstəlik bələdiyyənin borclandırması, xüsusəndə borclandırdığı bələdiyyənin vəziyyətdən  çıxarmağa belə maraqlı olmaması səbəbindən əməkdaşlığa da maraqları olmayıb. Nə isə....

Hər iki Şabran və Saatlı bələdiyyəsinin sədrlərinin əsas vəzifəsi məhz əvvəl ki illərdə yaradılmış borcu bağlamaq, büdcə gəlirlərinin səviyyəsini artırmaqla həmçinin vətəndaşların qaldırdığı problemlərin həllinə nail olmaq olduğunun şahidi oldum. İlk aylardakı fəaliyyət artıq onların düz yolda olduğunu bir daha göstərir.

Ümid edirəm ki, hər iki bələdiyyə sədri, yəni Şabran şəhər bələdiyyəsinin sədri Fidan Fərzəliyeva və Saatlı bələdiyyəsinin sədri Aqil Heydərovun zəngin idarəçilik təcrübələri onlara qarşılarına qoyduqları məqsədə çatmağa imkan verəcəkdir.

Hər bir görüş Şabran, Sabirabad və Saatlı bələdiyyələrində keçirilən görüşlərdə kifayət qədər vaxtım getdi. Qaldırılan məsələlərə dərhal reaksiya verilməsi, kollektivdə işgüzar mühitin yaradılması  ondan xəbər verir ki, sədrlər bələdiyyə sisteminin inkişafına öz töhfələrini vermək niyyətindədirlər.

Sabirabad bələdiyyəsinin inzibati binasını  cətinliklə tapsamda, hər bir kollektiv üzvünün iş başında olması, vətəndaşların sualların təmkinlə cavab verməsinin şahidi oldum.

Dediyim kimi, məqsədim subvensiya layihəsinin vəziyyətini öyrənmək olsa da, bələdiyyənin fəaliyyəti ilə də ətraflı bilgiləri ala bildim. Əsas diqqətimi çəkən isə bələdiyyə sədrinin ürəkli şəkildə “DSMF- yə və əməkhaqqına borcumuz” yoxdur deməsi oldu. Hər halda bu diqqətiçəkən məqamdır.

Subvensiya layihəsi ilə tanış oldum.

Layihənin bu şəkildə icra edildiyini gözləmirdim. Məhz sədrin bütün məsələlərə həssaslıqla yanaşmasının nəticəsi idiki, nəticə etibari ilə sədr ürək əməliyyatı keçirmişdi. Ancaq belə ağır əməliyyat keçirsədə suallara təmkinlə cavab verməyi unutmur, layihəni yaxın günlərdə başa çatdıracağını isə əminlikə deyirdi.

 ***

Beləliklə, Fidan Fərzəliyevanın hər suala və öz işinə həssaqlıqla yanaşması, Aqil Heydərovun az müddət ərzində  gördüyü işdən zövq alması, Kamran Mirzəyevin isə az danışıb ancaq çox iş gorüməyə meylli olması  diqqətimindən yayınmadı. Ən çox diqqətimi çəkən isə az vaxt ərzində həqiqətən müəyyən işlər görülsə də sədrlərdə,  hələ ki “özündənrazılıq” əlamətlərinin olmaması idi.

Ümid edirəm ki, hər üç sədr qarşılarına qoyduqları məqsədə tezliklə çatacaqlar.

Hər halda bizə hər üç sədrə yalnız uğurlar arzulamaq qalır. 

P.S. Şirvan bələdiyyəsindəki görüş barəsində fikirlərimi ayrıca şəkildə növbəti yazımda.

Vüqar Tofiqli