Bakı şəhər Suraxanı rayonu, Qaraçuxur bələdiyyəsinin “Gender məsələləri və məişət zorakılığı ilə mübarizəyə dair komissiyası”nın və Səttar Bəhlulzadə adına Xarici dillər təmayüllü gimnaziyanın birgə təşkilatçılığı ilə “Oyun asılılığı: rəqəmsal oyunların uşaqların inkişafına təsiri ” adlı tədbir keçirilib.

Gimnaziyanın akt zalında baş tutan tədbirdə bələdiyyənin üzv və qulluqçuları, qəsəbə sakinləri, gənclər və  məktəblilər iştirak ediblər.

Tədbirdə Səttar Bəhlulzadı adına Xarici dillər təmayüllü gimnaziyanın Direktoru-Xəyalə Veyisova, Suraxanı rayon İcra Hakimiyyetinin başçısı yanında Məişət zorakılığının qarşısının alınması sahəsində Monitorinq və əlaqələndirmə qrupunun məsləhətçi-psixoloqu Vəfa Qüdrətli, Qaraçuxur Bələdiyyəsinin sədri İxdiyar Nəcəfov, Bakı şəhəri Gənclər və İdman İdarəsinin Suraxanı Rayon üzrə Gənclər və İdman Sektorunun baş məsləhətçisi Elşən Atakişizadə və Səttar Bəhlulzadı adına Xarici dillər təmayüllü gimnaziyanın psixoloqu Nigar Orucova çıxış edərək mövzunun aktuallığından  danışıblar.

Tədbir də çıxış edən  Qaraçuxur Bələdiyyəsinin sədri İxdiyar Nəcəfov  deyib ki, “Müasir dövrdə texnologiya həyatımızın ayrılmaz hissəsinə çevrilmişdir. Kompüterlər, planşetlər və smartfonlar uşaqlar üçün həm əyləncə, həm də öyrənmə vasitəsi kimi istifadə olunur. Lakin bu vasitələrdən həddindən artıq istifadə ciddi problemlərə səbəb ola bilər.  Rəqəmsal oyun asılılığı uşağın psixoloji inkişafına mənfi təsir göstərir. Belə uşaqlar real həyatdan uzaqlaşır, sosial münasibətlər qurmaqda çətinlik çəkir və təkliyə meylli olurlar. Onlar daha çox virtual dünyada yaşamağa üstünlük verirlər ki, bu da ünsiyyət bacarıqlarının zəifləməsinə gətirib çıxarır” Sədr çıxışında daha sonra qeyd edib ki, uzun müddət oyun oynamaq uşağın fiziki sağlamlığına da zərər verir. Göz yorğunluğu, bel və boyun ağrıları, yuxu rejiminin pozulması kimi problemlər yaranır. Hərəkətsiz həyat tərzi isə piylənmə riskini artırır. Rəqəmsal oyunlar uşaqların təhsilinə də mənfi təsir edə bilər. Dərsə diqqətin azalması, vaxtın düzgün bölüşdürülməməsi və motivasiyanın aşağı düşməsi tez-tez rast gəlinən hallardır.  Lakin qeyd etmək lazımdır ki, rəqəmsal oyunların müsbət tərəfləri də var. Doğru seçilmiş və məhdud şəkildə oynanan oyunlar uşaqların məntiqi düşünmə qabiliyyətini, problem həll etmə bacarıqlarını və əl-göz koordinasiyasını inkişaf etdirə bilər.  Bəs bu problemin qarşısını necə ala bilərik? Valideynlər uşaqların oyun vaxtını nəzarətdə saxlamalı, gündəlik limit qoymalı və onları digər fəaliyyətlərə – idman, kitab oxuma və sosial fəaliyyətlərə yönləndirməlidir. Eyni zamanda, uşaqlarla açıq ünsiyyət qurmaq və onlara düzgün nümunə olmaq çox vacibdir.

Təbdir məktəblilərin hazırladığı bədii proqramla başa çatıb.

Belediyye.info