Xaçmaz regional ədliyyə idarəsi birləşdirmə ilə bağlı görüşləri davam etdirir
Bələdiyyələrin birləşməsi ilə bağlı yaradılmış komissiyanın Şabran, Quba, Qusar, Xaçmaz və Siyəzən rayonları üzrə Xaçmaz regional ədliyyə idarəsi tərəfindən keçirilmiş iclası 20.02.2025-ci il tarixdə Şabran rayonu, 25.02.2025-ci il tarixdə Quba rayonu, 27.02.2025-ci il tarixdə Qusar rayonu, 28.02.2025-ci il tarixdə Xaçmaz və Siyəzən rayonları üzrə bələdiyyələrin birləşməsi ilə bağlı mülkiyyət, maliyyə və digər məsələlərin həlli məqsədilə yaradılmış komissiyanın ilk iclası keçirilib.
Regional
idarənin rəisi (komissiyanın sədri) Qədir Paşayev çıxış edərək “Azərbaycan
Respublikasında bələdiyyələrin birləşməsi yolu ilə yeni bələdiyyələrin
yaradılması haqqında” 18.10.2024-cü il tarixli 50-VIIQ nömrəli Qanunun icrası məqsədilə
Nazirlər Kabinetinin “Bələdiyyələrin birləşməsi ilə bağlı mülkiyyət, maliyyə və
digər məsələlərin həlli məqsədilə komissiyaların yaradılması haqqında”
13.01.2025-ci il tarixli, 13s nömrəli Sərəncamının icrası barədə Ədliyyə
Nazirliyinin 03.02.2025-ci il tarixli, 03-T saylı əmri ilə yaradılmış
komissiyaların yerlərdəki fərdi tərkibinin təsdiq edildiyini bildirib.
Birləşmə
zamanı tərtib ediləcək müvafiq aktların nümunəsi komissiyanın üzvlərinə təqdim
edilib, görüləcək işlərlə bağlı onlara ətraflı izah verilib, həmçinin mümkün
olan qısa müddətdə birləşən və yeni bələdiyyələr arasında təhvil-təslim işlərinin
yekunlaşmasının zəruriliyi vurğulanıb.
Ədliyyə
Nazirliyinin yuxarıda qeyd olunan müvafiq əmrinin icrası ilə bağlı birləşmiş bələdiyyələrə
məxsus mülkiyyət, maliyyə və başqa məsələlərin həlli zamanı qanun pozuntuları,
o cümlədən bələdiyyə əmlakına sahiblik, istifadə və sərəncam verilməsi sahəsində
korrupsiya ilə əlaqədar hüquqpozmalar aşkar edildikdə müvafiq tədbirlərin görüləcəyi
komissiya üzvlərinin diqqətinə çatdırılıb.
İclasın sonunda iştirakçıları narahat edən bütün suallar cavablandırılıb.
Rəylər
0 Rəy