"Azərbaycan Respublikasının Prezidenti, Silahlı Qüvələrin Qalib Ali Baş Komandanı cənab İlham Əliyevin rəhbərliyi ilə sentyabr ayında başlanan və 44 gün davam edən Vətən müharibəmiz 30 ilə yaxın erməni işğalında olan torpaqlarımızın, cənnət Qarabağın azadlığa qovuşması ilə nəticələndi. Üç minə yaxın qəhrəmanımız torpaqlarımızın azadlığı uğrunda şəhidlik zirvəsinə ucaldı, minlərlə igidimiz qazi adını qazandı"- bu fikirləri Belediyye.infoya  Xəzər rayonu Şüvəlan bələdiyyəsinin sədri Telman Süleymanov deyib. 

Sədrin sözlərinə görə, ölkəmizin müstəqilliyi, suverenliyi və ərazi bütövlüyü uğrunda canını fəda etmiş şəhidlərimiz xalqımız və dövlətimiz  tərəfindən hər zaman ehtiramla yad edilir, onların ailələrinə diqqət və qayğı göstərilir. 

Şüvəlan bələdiyyəsi də şəhid adının hər zaman uca tutulmasına, ailələrinin sosial problemlərinin vaxtında həll olunmasına, hər bir işdə dəstək göstərilməsinə çalışır. 

Zəfər günü ərəfəsində  Vətənimizin azadlığı uğrunda gedən döyuşlərdə şəhid olmuş Hacıyev Kamran Füzuli oğlu, Eyniyev Tərlan Gölişad oğlu, Vəliyev Müslüm Vəliağa oglu əziz xatirəsi yad edilib. 

Bələdiyyə sədri Telman Süleymanovun və bələdiyyənin hüquqşünası Rəqsanə Əliyevanın iştirakı ilə keçirilən görüşlər zamanı bildirilib ki, 44 günlük Vətən müharibəsində Müzəffər Ordumuz Qarabağı və digər ərazilərimizi işğaldan azad etməklə 30 illik yurd həsrətinə son qoydu və 2020-ci il müstəqil Azərbaycanımızın hərb tarixinə şanlı səhifə kimi yazıldı. Zəfərlə başa çatan İkinci Qarabağ müharibəsində Ali Baş Komandanın rəhbərliyi altında Azərbaycan Ordusunun əsgər və zabitləri, hərbçiləri döyüş meydanında əsl qəhrəmanlıq göstərərək bütün dünyaya sübut etdilər ki, Qarabağ Azərbaycandır!

 Şəhidlərimizin ailələri şəhidlərə, qazilərə, şəhid ailələrinə göstərdikləri diqqət və qayğıya görə ölkə Prezidenti cənab İlham Əliyevə və Birinci vitse-prezident hörmətli Mehriban xanım Əliyevaya minnətdarlıqlarını ifadə edib və qazanılan qələbədə övladlarının da payı olduğu üçün fəxr etdiklərini bildiriblər. 

Sonra şəhidlərimizn keçdikləri döyüş yolundan, xatirlərindən söhbət açılıb. Qeyd olunub ki, qəhrəman oğullarımızın fədakarlığı dövlət başçısı tərəfindən yüksək qiymətləndirilib. Şəhid Vəliyev Müslüm Vəliağa  3-cü dərəcəli “Vətənə xidmətə görə” ordeni,  "Vətən uğrunda", "Suqovuşanın azad olunmasına görə" "Cəsur döyüşçü" medalları ilə, Hacıyev Kamran Füzuli oğlu "Vətən uğrunda" və  "Xocavəndin azad olunmasına görə" medalı, Eyniyev Tərlan Gölişad oğlu  "Vətən uğrunda" və  "Cəbrayılın azad olunmasına görə" medalları ilə təltif ediliblər. 

Səmimi keçən söhbət zamanı şəhid aillərini narahat edən problemlər qeyd olunub və yaxın gələcəkdə həllini tapması üçün müvafiq işlər görüləcəyi bildirilib.

Belediyye.info