“Vətəndaş rifahının və məmnunluğunun təmin olunması dövlət siyasəti ilə yanaşı, Bordadigah bələdiyyəsinin də prioritetlərindən biridir”- bu fikirləri Belediyye.infoya Masallı rayonu Boradigah bələdiyyəsinin sədri Tünzalə Qardaşova deyib.

Sədrin sözlərinə görə, Prezident İlham Əliyevin sosial-iqtisadi siyasətinin mərkəzində  bu gün məhz vətəndaş rifahının təminatı prinsipi dayanır və sosial sahədə ildən-ilə geniş miqyas alan islahatlar, rifah halının yaxşılaşdırılması üçün atılan mühüm addımlar, əldə olunan böyük sosial uğurlar da bunu bir daha təsdiq edir.  Həssas qrupların sosial təminatı və sosial ödənişlərin artırılması, sosial sahədə xidmətlərin vahid mərkəzdən şəffaf, operativ və əlçatan şəkildə təşkili və digər müvafiq fəaliyyət sahələrində ardıcıl və məqsədəuyğun işlər görülüb.

Boradigah bələdiyyəsi olaraq daim vətəndaş rifahının və məmnunluğunun təmin olunmasına çalışırıq. Odur ki, bələdiyyəyə edilən müraciətlərin hər biri ciddi təhlil edilir və icrası ilə bağlı bələdiyyə iclasında qərarlar qəbul edilir.

Bu günlərdə bələdiyyəyə edilən vətəndaş müraciətinə əsasən Babaser kəndində su ötürücü kanalların təmizlənməsi işi həyata keçirilmişdir. Görülən işlər ərazidə suyun axınının tənzimlənməsinə və yaxşılaşdırılmasına xidmət edir.

Sədr bu prosesdə əməkdaşlıq və dəstək göstərən qurumlara dərin minnətdarlıq bildirməyi də unutmayıb.

Belediyye.info