Belediyye.info 2015-ci ilin may ayının 25-i tarixindən fəaliyyətdədir.

25-04-2023 , 19:04

Son xəbərlər

Bütün xəbərlər

Solovyov erməni milyonçuların puluna satılıb

Gündəlik Xəbərlər
27-03-2024

Ən çox oxunanlar

Bu gün Bu həftə Bu ay
Gündəlik Xəbərlər
- +

“Ədalət mühakiməsinin inkişafında Ulu Öndər Heydər Əliyevin xidmətləri” mövzusunda tədbir keçirilib

Milli dövlətçiliyimizin memarı və qurucusu, ümummilli lider Heydər Əliyevin anadan olmasının 100 illik yubileyi münasibətilə ölkə Prezidenti İlham Əliyev tərəfindən elan olunmuş 2023-cü il “Heydər Əliyev İli” çərçivəsində Ədliyyə Nazirliyi tərəfindən Ulu Öndərin əziz xatirəsinə həsr olunan silsilə tədbirlər davam etdirilir.

Bu münasibətlə nazirliyin Məhkəmə Ekspertizası Mərkəzində “Ədalət mühakiməsinin inkişafında Ulu Öndər Heydər Əliyevin xidmətləri” mövzusunda tədbir və Ümummilli Liderin çoxşaxəli fəaliyyətinə dair kitab sərgisi keçirilib. Sərgidə dahi şəxsiyyətin həyat və fəaliyyətinə dair yerli və xarici müəlliflərin qiymətli vəsaitləri nümayiş etdirilib. 

Tədbiri açan ədliyyə nazirinin müavini Eldar Nuriyev xalqımızın xilaskarı, müdrik dövlət xadimi Heydər Əliyevin hüquqi islahatların həyata keçirilməsində misilsiz xidmətləri barədə geniş məlumat verib. Ulu Öndərin müəllifi olduğu Konstitusiyanın qəbulu, hüquq sisteminin mahiyyətini müəyyən edən qanun və normativ aktların hazırlanması, eyni zamanda insan hüquqlarının müdafiəsinə etibarlı təminat verən müstəqil məhkəmə sisteminin fəaliyyətə başlaması qeyd edilib.

Bununla yanaşı hüquq-mühafizə orqanlarında da mütərəqqi islahatların aparıldığı, onların fəaliyyətinin demokratik dəyərlərə uyğun qurulduğu, insan haqlarının müdafiəsinə dair mühüm normativ aktların qəbul olunduğu bildirilib.

Mərkəzin rəis əvəzi Rahim Rəhimov tədbirdə ədalət mühakiməsinin həyata keçirilməsində və cinayətkarlığa qarşı mübarizədə mühüm rol oynayan məhkəmə ekspertizası fəaliyyətinin yaranması tarixindən bəhs edərək müasir ekspertizanın formalaşmasında Ulu Öndərin rolu barədə məlumat verib.

Eyni zamanda Mərkəzin rəis müavini Hüseyn Əlixanov Ümummilli Lider Heydər Əliyevin zəngin dövlətçilik irsi, ölkəmizə rəhbərliyinin bütün dövrlərində xalqımız və dövlətimiz qarşısında misilsiz xidmətləri, müstəqilliyimizin möhkəmləndirilməsində xilaskarlıq missiyası ilə bağlı çıxış edib.

Tədbirdə Müzəffər Ali Baş Komandan, Prezident İlham Əliyevin rəhbərliyi ilə Vətən müharibəsində Böyük Qələbəmizlə işğala son qoyularaq tarixi ədalətin bərpa edildiyi xüsusi vurğulanıb. Azad edilmiş ərazilərimizdə dövlət başçısının rəhbərliyi və respublikamızın Birinci vitse-prezidenti Mehriban Əliyevanın fəal iştirakı ilə sürətli bərpa-quruculuq işlərinin aparıldığı diqqətə çatdırılıb.

Sonda Ümummilli Liderin mənalı ömür yoluna həsr olunan film nümayiş etdirilib.

Ədliyyə Nazirliyi Mətbuat xidmətinin məlumatı


Rəylər

0 Rəy


Rəy yaz

Oxşar xəbərlər

Şüvəlan bələdiyyəsindən humanist addım

Gündəlik Xəbərlər
05-03-2024

Yeni nazir kimdir? - Dosye

Gündəlik Xəbərlər
27-02-2024

Yeni ədliyyə naziri təyin edildi

Gündəlik Xəbərlər
27-02-2024

Milli Qəhrəman 60 yaşını qeyd edib

Gündəlik Xəbərlər
27-02-2024

İcra hakimiyyətində KORRUPSİYA ƏMƏLİYYATI

Gündəlik Xəbərlər
23-02-2024