22-05-2024 , 09:28
Ağsu rayonu Gəgəli bələdiyyəsi
04-09-2023
Gəncə şəhəri Nizami bələdiyyəsi
08-04-2023
07-04-2023
07-04-2023
06-04-2023
06-04-2023
06-04-2023
06-04-2023
04-04-2024
17:17
06-03-2024
21:41
19-02-2024
16:50
02-02-2024
10:57
24-01-2024
10:20
09-01-2024
20:18
19-11-2023
14:16
21-09-2023
19:30
28-07-2023
13:12
22-06-2023
07:09
02-05-2023
19:42
25-04-2023
18:49
13-04-2023
15:49
01-04-2023
20:48
01-04-2023
20:40
01-04-2023
20:38
+
“Azərpoçt”un optimallaşdırma siyasəti və ya sakinlərə və bələdiyyələrə yaradılan problemlər
Müşahidələr göstərir ki, son günlər bələdiyyələrin üzləşdiyi problemlərin sırasına biri də əlavə olunub. Belə ki, bələdiyyələrin daim canlı ünsiyyətdə olduğu, o cümlədən maliyyə əməlliyyatlarını bank xidməti göstərən poçt vasitəsiylə həyata keçirdyi bir vaxtda “Azərpoçt”un atdığı bir sıra addımlar, reallaşdırdığı bəzi layihələr təqdirəlayiq hesab edilsə də bələdiyyələrə, xüsusən rayon mərkəzindən uzaq olan kənd və qəsəbələrdə yaşayan sakinlərə yaratdığı problemlər anlaşılan deyil.
“Azərpoçt” rəsmiləri bəyan edir ki, “2022-ci ildən optimallaşma proseslərinin əsas məqsədlərindən biri də poçt xidmətlərinin icrasına xələl gəlmədən zərərlə işləyən poçt şöbələrinin fəaliyyətini dayandırmaq və iqtisadi səmərəliliyi təmin etməkdir”.
Çox yaxşı. Gözəl təklifdir. Bəyənilsin. Ancaq unutmayaq ki, hər bir dövlət qurumunun fəaliyyəti həm də vətəndaş məmnunluğunun təmin edilməsinə yönəldilməlidirsə “Azərpoçt”un bu addımı əksinə vətəndaşın və bələdiyyələrin ziyanına xidmət etmək kimi başa düşülür.
Bəzi faktlara müraciət edək.
Xızı rayonun Altıağac qəsəbəsində poçt şöbəsinin fəaliyyəti dayandırılıb. Altıağac bələdiyyəsinin inzibati ərazisinə Altıağac qəsəbəsi və Qızılqazma, Yarımca, Safbulaq kəndləri daxildir. Altıağac bələdiyyəsində əhalinin sayı 1.768 nəfər təşkil edir, təsərrüfatın sayı 648, vergi ödəyicilərinin sayı isə 480 nəfərə çatır. Ötən il bələdiyyənin büdcə gəliri 35 min manatdan artıq olub. Və ən əsası ötən ilin ilk dörd ayı ərzində bələdiyyənin büdcə gəliri 15 min manatdan artıq olduğu halda, poçtun fəaliyyətinin dayandırılması səbəbindən cari ilin dörd ayı ərzində bu rəqəm cəmi 4.635 manat təşkil edib. Sual edirəm budurmu vətəndaş məmnunluğu? Onu da əlavə edək ki, optimallaşdırma səbəbindən onlarca şəxs həm də iş yerini itirib. Sual edirəm, budurmu sizin tətbiq etdiyiniz yenilik?
Bir tərəfdən onlarca şəxs iş yerindən mərhum olur, digər tərəfdən sakinin əziyyəti kifayət qədər artır, başqa bir tərəfdən bələdiyyənin büdcə gəlirləri azalır. İndi təsəvvür edin ki, Altıağac qəsəbəsindən rayon mərkəzinə 16 km, Qızılqazma kəndindən isə 28 km-dir. Vətəndaş on manatlıq vergini ödəməkdən və yaxud oğluna əsgər məktubu yola salmaqdan ötrü nə qədər əziyyət və nə qədər vəsait xərcləməlidir. Yenilyi tətbiq edənlər bu məqamı nəzərə alıblarmı?
Və yaxud Şamaxının Bağırlı bələdiyyəsində də poçt şöbəsi bağlanıb. Kəndin 3 min nəfər sakini, 400 fərdi yaşayış evi, 700-ə yaxın təsərrüfatı var. Kənddə ödəniş terminalı yoxdur. Kənd isə rayon mərkəzindən 35 km aralıda yerləşir. Kənddəki poçt şöbəsi isə Bağırlı, Ovçulu, Hacıqədirli kəndlərinə xidmət edirdi. Yaxşı yeniliyi asanlıqla tətbiq etdik. Bəs sonra.
Başqa bir misal. Qəbələ rayonunun Tüntül bələdiyyəsi Tüntül və Yengicə kəndlərini əhatə edir. Əhalisinin sayı 3650, vergi ödəyicilərinin sayı 850 nəfərdir. Ötən ilin dörd ayı ərzində bələdiyyə 6500 manat maliyyə əldə etmişdirsə, cari ilin dörd ayı ərzində bu rəqəm 4950 manata düşüb. Bələdiyyənin büdcə gəliri bəs niyə azalıb? Çünki poçt şöbəsi fəaliyyətini dayandırıb. Ciddi danışıqlar aparıldıqdan sonra sentyabr ayınadək fəaliyyəti bərpa edildiyi deyilsə də halda problem qalmaqdadır.
İsmayıllı rayonunda isə 9 poçt şöbəsi fəaliyyətini dayandırıb. Demək, həm də minimum doqquz nəfər iş yerini itirib. Belə davam getsə onsuzda büdcə gəliri az olan İsmayıllı bələdiyyələri təhvil- təslim edib sədrlər evlərində oturmaq məcburiyytəində qalacaqlar.
Fatmayı kəndində də poct şöbəsi bağlanıb. Təsəvvür edin ki, il ərzində 100 min manatdan artıq büdcə gəliri olan bələdiyyənin poçtun bağlanılması səbəbindən cari ilin ilk beş ayı ərzində əldə etdiyi vəsaitin həcmi 9 min manata catmayıb.
“Azərpoçt” rəsmiləri isə iddia edir ki, “Fatmayi kənd poçt şöbəsinin fəaliyyətinin dayandırılmasının həm əhalinin xidmətlərə əlçatanlığının təmin olunmasına, həm də bələdiyyə yığımlarına mənfi təsiri müşahidə olunmur”. Hər halda fakt göz önündədir. Əlavə şərhə ehtiyac yoxdur.
Ancaq “Azərpoçt” səbəb kimi, Fatmayi kənd poçt şöbəsinin bağlanmasında “əsas səbəb kimi, 2022-ci ildə şöbənin zərərinin 8000 AZN, 2023-cü ilin ilk doqquz ayında isə 9000-dən çox olmasını göstərib”.
Sual edirəm, Fatmayı bələdiyyəsinin əldə etdiyi maliyyə vəsaitinin həcmi 2022-ci ldə 108 min manat, 2023-cü ildə isə bundan dörd dəfə çox olub. Bələdiyyənin maliyyəsinin dövrüyyəsi hesabına poçtun əldə etdiyi vəsaitin həcmi nə qədər olub, bilən varmı. Üstəlik hər bir maliyyə dövrüyyəsindən əlavə xidmət haqqlarını, habelə əhaliyə göstərdiyi xidmətləri də əlavə etsək poçt şöbəsinin zərərlə işlədiyini deyil, qazancla işlədiyini deyə bilərik. Üstəlik Fatmayı kəndindəki poçt şöbəsinin binasının məhz Fatmayı bələdiyyəsinin maliyyəsi hesabına inşa edildiyini nəzərə alsaq demək onun bağlanılması ümumiyətlə heç bir fəlsəfi düşüncələrə belə uyğun gəlmir. Qərarı qəbul edənlər bu barədə düşünüblərmi, görəsən. Əlavə edim ki, bu misalları kifayət qədər çəkə bilərik.
“Azərpoçt” deyir ki, “proseslərin məntiqi davamı olaraq regionlaşma mərhələsinə keçid edilib”. Çox gözəl. Biz də hər daim regional idarəetməyə keçidin tərəfdarı olmuşuq. Ölkə başçısı da xüsusi nümayəndəlik və 14 iqtisadi rayon təsis etməklə regional idarəetmənin başlanıldığını elan edib. Proses ona doğru gedir. Bəs maraqlıdır, “Azərpoçt” regional idarəetməni hansı prinsiplə qurub. Regional şöbələrin maliyyəsi bir rayonda, idarəetməsi isə başqa bir rayonda formalaşdırılması artıq məsrəflərlə yol açmırmı, çox maraqlıdır.
Elə başa düşülməsin ki, biz hansısa yeniliyin tərəfdarı deyilik. Xeyr, əsla bu belə deyil. Biz məntiqə söykənən hər bir yeniliyin tərəfdarıyıq. Ancaq belə yeniliyin yox. Yeniliyi tətbiq etməmişdən öncə onun yaradcağı problemi bəri başdan həll etmək lazım idi.
“Azərpoçt”un maliyyə dövrüyyəsində bələdiyyələrin maliyyəsinin mühüm bir yer tutmasını hər kəs yaxşı bilir. Mən bu qurumun bank xidmətlərinin də lazım səviyyədə olmamasına, bank məlumatlarının məxfiliyin qorunmasının standarta cavab verməməsinə, internetbankinq sisteminin hələ də qurulmamasına toxunmuram.
Bu qeyri-ordinar addımların hansısa özəl şirkət tərəfindən atılması təbii hal kimi sayılsa da, dövlət qurumu tərəfindən atılan bu addımlar məqbul sayılmır. Dünya təcrübəsindən yararlanaraq yeni gəlir gətirən sahələri poçt xidmətlərinə əlavə etməklə büdcənin həcmini artırmaq əvəzinə ixtisarlara üstünlük verilməsi indiki halda qəbuledilməzdir. “Azərpoçt” bu ixtisarlardan sonra nəyə nail ola bilib, maraqlıdır.
Hər halda bələdiyyələrin maliyyə əməliyyatlarını məhz poçt üzərindən aparılmasının əsas səbəbi dövlətin bu qurumun fəaliyyətinə dəstəyi kimi qəbul edilməlidir. Yaxşı əgər biz atdığımız addımlarla bələdiyyələrə və xüsusəndə sakinlərə əlavə problem yaradırıqsa demək hər kəsdən tələb edilən vətəndaş məmnunluğunun əksinə addım atırıq.
Budaqda oturub niyə ağacı kəsirik, cənablar.
Vüqar Tofiqli
P.S. Yazıda qaldırılan məsələlərə “Azərpoçt” MMC-nin fikirlərinə Belediyye.infoda yer ayırmağa hazırıq
Bələdiyyə sədri həbs edildi
12-06-2024
Nazir rəisi işdən çıxardı
12-06-2024
ÜÇ SUAL ÜÇ CAVAB -soruşun cavab verək
05-06-2024
Nazir Fərid Əhmədov Türkiyədə səfərdə olub
02-06-2024
Rəylər
0 Rəy