“2022-ci illə müqayisədə ötən il  büdcə gəlirlərimizi 30 faizədək artıra bilmişik” bu fkirləri Qax rayonu Tasmalı kənd bələdiyyəsinin sədri Abakar Əliyev  “Bələdiyyələrin fəaliyyətinin təbliği” İctimai birliyinin  Azərbaycan Respublikası QHT-lərə Dövlət Dəstəyi Agentliyinin maliyyə dəstəyi ilə keçirilən görüşdə bildirib.

Qeyd edək QHT-nin “Müasir innovasiyaların tətbiqi ilə bələdiyyələrin fəaliyyətinin təkmilləşdirilməsi”  mövzusunda həyata keçirdiyi layihə çərçivəsində  keçirdyi növbəti görüş Tasmalı bələdiyəsində baş  tutub.  İctimai birliyin sədri Vüqar Cəfərov  bildirib ki,  bundan əvvəl silsilə xarakterli görüşlər Qax, İlisu, Qaxbaş, Gullük və Ləkit  bələdiyyəsində üzv və qulluqçuların iştirakıyla keçirilib.

Qax Bələdiyyəsinin sədri Eyvaz Orucovun iştirakıyla keçirilən görüşdə ictimai birliyin sədri görüş iştirakçılarına  layihə barəsində ətraflı məlumat verib. Təşkilat rəhbəri layihənin əsas məqsədinin  bələdiyyə idarəçiliyini təkmilləşdirmək və idarəetmə keyfiyyətini yüksəltmək, habelə bələdiyyə-vətəndaş, bələdiyyə-icra münasibətlərinin  tənzimlənməsiylə bağlı yeni mexanizmləri müzakirə etməkdən ibarət olduğunu qeyd edib.

Görüşdə Tasmalı bələdiyyəsinin sədri Abakar Əliyev  bələdiyyənin cari il ərzində fəaliyyətinə toxunub. Sədr bildirib ki, 2022- ci ldə bələdiyyənin 41.413 manat büdcə gəliri olmuşdusa, ötən il bu rəqəm 53.848 manata bərabər olub.

2022-ci ildə bələdiyyə əldə etdiyi maliyyə vəsaitinin  8.803 torpaq vergisindən, 2.713 manatını əmlak vergisindən, 2.914 manatnı icarə haqqlarından, 15.540 manatını torpaq satışından, 7.341 manatını isə ot satışından əldə edib.

2023-ci ildə isə bələdiyyənin əldə etdiyi maliyyə vəsaitinin  7.370 torpaq vergisindən, 2.273 manatını əmlak vergisindən, 7.252 manatnı icarə haqqlarından, 23.445 manatını torpaq satışından, 8.147 manatını isə ot satışından əldə edib.

Sədr görüşdə bildirib ki, əldə olunan maliyyə vəsaitiylə aztəminatlı ailələrlə maddi və mənəvi dəstək göstərilib, kəndin abadlaşdırlması üçün müəyyən layihələr həyata keçirilib.

Bu gün özündə üç kəndi -Tasmalı, Qarabaldır və Lələpaşa kəndlərinin birləşdirən Tasmal bələdiyyəsi sakinlərinin üzləşdiyi əsas problem bələdiyyə mülkiyyətinin sənədləşdirilməsiylə bağlıdır. Mövcud təsərrüfatıların 70 faizindək olan hissəsinin mülkiyyət sənədi yoxdur. Sənədləşdirmənin olmaması bələdiyyənin büdcə gəlirlərinə də  öz mənfi təsirini göstərmiş olur. 

Görüşdə bu kənddə də  kəndin icra nümayəndəliyi ilə sıx əməkdşalıq əlaqələrinin qurulduğu, bələdiyyənin atdığı bütün addımlarda Qax RİH başçısı Musa Şəkiliyevin tövsiyələrindən də istifadə edildiyi qeyd edilib.  

Görüşdə layihə çərçivəsində bələdiyyənin təsis edilməsinin 25 illiyinə həsr olunan  kitabların (foto-albomlar) forma və məzmunu barəsində geniş müzakirələr aparılmış və bələdiyyə sədrinin və üzvlərin təklif və tövsiyələri nəzərə alınıb.

Tədbirin sonunda iştirakçıları maraqlandıran suallar cavablandırılıb.

 “Bələdiyyələrin fəaliyyətinin təbliği” İctimai birliyi Azərbaycan Respublikası QHT-lərə Dövlət Dəstəyi Agentliyinin maliyyə dəstəyi ilə “Müasir innovasiyaların tətbiqi ilə bələdiyyələrin fəaliyyətinin təkmilləşdirilməsi”  mövzusunda növbəti görüş rayonun Almalı bələdiyyəsində olacaqdır.

 “Bələdiyyələrin fəaliyyətinin təbliği” İctimai Birliyi