Mətləb Əliyev: ""Dünya Azərbaycanlılarının Həmrəyliyi Günü" münasibətiylə qəsəbə ərazisində olan şəhid, qazi və aztəminatlı ailələrə ərzaq yardımı göstərilib"
“Azərbaycan dövlətinin şəhid ailələrinə, müharibə veteranlarına və qazilərə göstərdiyi yüksək diqqət və qayğıya əlavə olaraq Buzovna Bələdiyyəsi də öz köməyini göstərməkdədir"- bu fikirləri Belediyye.infoya Xəzər rayonu Buzovna bələdiyyəsinin sədri Mətləb Əliyev bildirib.
Sədrin sözlərinə görə, dövlət tərəfindən şəhid ailələrinin və müharibə əlillərinin mənzil-məişət şəraitinin yaxşılaşdırılması, onlara fərdi evlərin, mənzillərin verilməsi və digər bir sıra istiqamətlərdə mühün addımlar atılır. Biz də Buzovna bələdiyyə olaraq bələdiyyə iclasının qərarıyla "Dünya Azərbaycanlılarının Həmrəyliyi Günü" münasibətiylə qəsəbə ərazisində olan şəhid, qazi və aztəminatlı ailələrə ərzaq yardımı göstərilib.
Bələdiyyə üzv və qulluqçularının iştirakıiyla keçirilən görüşlərdə bayram münasibətiylə təbrik edərək, onların sosial məişət qayğılarıyla maraqlanmışlar.
Sədr bildirib ki, bələdiyyə tərəfindən mütəmadi olaraq şəhid və qazi ailələriylə görüşlər keçirilir, onları narahat edən məsələlər müzakirə edilir və bələdiyyədən asılı olan məsələlər öz həllini tapır. Bu işi bələdiyyə özünün bir nömrəli vəzifəsi hesab edir.
Rəylər
0 Rəy