Gədəbəy rayonunda formaşalan 10 bələdiyyədən, Gədəbəy və Slavyanka bələdiyyələri istisna olmaqla, 8 bələdiyyənin DSMF-yə 527.600 manat borcu var. Əlavə edim ki, uzun illərdir Gədəbəy və Slavyanka bələdiyyələrinin qurulan sistemli fəaliyyəti sayəsində hər hansı quruma borcu yoxdur.

Bəs bu gün Gədəbəy bələdiyyələri bu qədər yığılmış borcun neçə ilə ödəyə biləcəklər. Bilən varmı? Nəzərə alaq ki, ötən il 10 bələdiyyənin əldə etdiyi vəsaitin həcmi 327.800 manat olub. Və 2024-cü illə müqayisədə cəmi 13.4 faiz büdcə gəlirlərini artıra biliblər. Onu əlavə edək ki, əldə edilən vəsaitin 76 min manatı dotasiyadan daxil olub. Dotasiyanın həcmi 20 faiz artsa da, bələdiyyə mülkiyyətinin özgəninkiləşdirilməsindən və icarəsindən daxil olan vəsaitin həcmi bir o qədərdə azalıb.

Bu arada sual etmək istərdim- əvvəlki illərdə yığılıb qalmış DSMF borcunun azalması üçün son seçkilərdən sonra formalaşan bələdiyyələrin sədrləri hansı addımı atıblar, hara müraciət göndəriblər? Niyə hansısa təkliflə çıxış etməyiblər. Niyə problemi ictimailəşdirməyiblər.

Məhz bu susqunluğun nəticəsidir ki, borcun həcmi yarım milyon manatı keçib. 

DSMF borcu olan bələdiyyələrin sədrləri, Gədəbəy RİH rəsmiləri və digər qurumlar bu barədə nə düşünür, maraqlıdır.

Eyni vəziyyət Yardımlı bələdiyyələrindədir.

Bu borcun bağlanılması üçün bələdiyyələr üçün "strateji yol xəritəsi"nin hazırlanmasının vaxtı çatmayıbmı? Bu borcdur, cənablar. Və bütün hallarda bağlanılmalıdır. Çünki gələcəkdə vətəndaşa təqaüd şəklində veriləcək vəsaitdir.  Bəlkə bir yol axtaraq. Bəlkə bir azda olsa fikirləşək. Günü-gündən artan borcun, üstəlik faizlərin qarşısı nə vaxt alınacaqdır.  Biabırçılıqdı. Sadəcə.

Hərəkətə keçməyin vaxtı çatmayıbmı?

Düşünməyə dəyər….

Beeldiyye.info