“Zəfər Günü”nə həsr olunmuş minifutbol üzrə Şabran rayon birinciliyi keçirilib
04–06 noyabr 2025-ci il tarixlərində Şabran şəhər Mərkəzi Stadionunda 8 Noyabr — Zəfər Günü münasibətilə minifutbol üzrə Şabran rayon birinciliyi təşkil olunub. Yarış Quba–Xaçmaz Regional Gənclər və İdman İdarəsinin Şabran rayonu üzrə gənclər və idman sektoru tərəfindən təşkil edilib.
Çempionatda
2012–2013 və 2014-cü il təvəllüdlü yeniyetmələr iştirak ediblər. Yarışın əsas məqsədi
Zəfər Gününün əhəmiyyətinin gənclər arasında təbliği, onların milli vətənpərvərlik
ruhunda formalaşdırılması, eləcə də rayonda idmanın kütləviliyinə nail olunması
və futbolun gənclər arasında populyarlaşdırılması olub.
Yarışın
mükafatlandırma mərasimində Şabran Rayon İcra Hakimiyyəti başçısının birinci
müavini Hüseyn İlyasov, Şabran şəhər Bələdiyyəsinin sədri Fidan Fərzəliyeva,
Quba–Xaçmaz Regional Gənclər və İdman İdarəsinin rəisi Qumru Məmmədova, Şabran
rayonu üzrə gənclər və idman sektorunun müdiri Süleyman Əliməmmədov, Şabran
UGİM-nin direktoru İlqar Məqami, eləcə də məşqçi-müəllimlər və gənc idmançılar
iştirak ediblər.
Tədbir
zamanı Şabran şəhər Bələdiyyəsinin sədri Fidan Fərzəliyeva gənc idmançılara
futbol topları hədiyyə edib, onlara idmanda uğurlar arzulayıb və Zəfər Gününün
mənəvi dəyərindən danışıb.
Gərgin
və rəqabətli mübarizə şəraitində keçən oyunların yekununda qalib gələn
komandalar Quba–Xaçmaz Regional Gənclər və İdman İdarəsi tərəfindən diplom və
medallarla təltif olunublar.
Bu kimi tədbirlər Şabran Bələdiyyəsinin və tərəfdaş qurumların birgə əməkdaşlığı çərçivəsində gənclərin sağlam həyat tərzinə təşviqi, idmanın inkişafı və Vətənə bağlı gənc nəslin formalaşdırılması istiqamətində həyata keçirilən məqsədyönlü fəaliyyətlərin davamıdır.
Şabran bələdiyyəsi
Rəylər
0 Rəy