“2019-cu illə müqayisədə əmlak vergisinin həcmini 9.2 dəfə artırmağa nail olmuşuq”.  Suraxanı rayonu Zığ Bələdiyyəsinin sədri Abdulla Məmmədovun bizimlə ikisaatlıq söhbət əsnasında söylədiyi əsas  fikri məhz bu cümləni hesab etmək olar.

***

Beləliklə, bələdiyyələrdə görüşlərimizi davam etdiririk. Bu dəfə Zığ bələdiyyəsini ziyarət etdim. Sədr və kollektiv iş başında idi. Gənc və perspektivli kadr olan Abdulla Məmmədovla bir xeyli davam edən söhbətdə bütün suallara   bəzi sədrlərdən fərqli olaraq özu cavab verdi. Bu isə o demək idi ki, prosesə özü nəzarət edir və ortada bir nəticə var. Sədrin söhbət əsnasında maraqlı təkliflərlə çıxış etməsi də  diqqətimdən yayınmadı. İndi söhbətimizin oxucular üçün maraqlı məqamlarını diqqətə çatdırmaq istərdim:

-Hazırda əsas məqsədimiz sakinlərimizlə gündəlik olaraq görüşlər keçirməklə, onları vergiyə cəlb etmək və bununla da vətəndaş məmnunluğunu təmin etməkdir. Məhz bu görüşlərin nəticəsidir ki, əmlak verigisinin həcmini kifayət qədər artra bilmişik. Fikir verin, 2019-cu ildə bələdiyyənin  büdcə gəliri cəmi 9.468 və əmlak vergisinin həcmi 2.821 manat olduğu halda, ötən il budcə gəliri 29.716 manat , əmlak vergisinin həcmi isə 26.032 manat olub. Əgər 2019-cu ildə əmlak vergisi büdcə gəlirinin 33.3 faziini təşkil edirdisə, bu rəqəm ötən il 87.6 faiz olub. Bu uğura sözsüz ki kollektivin birgə səyi ilə nail olmuşuq. 

Sədr müəyyən faktları həvəslə sadalayır, müqayisə edir, yorulmur. Hiss edirsən ki, növbədə daha ciddi layihələr öz icrasını gözləyir. Söhbətə davam edirik.

-Bələdiyyənin cəmiyyət üzvləri arasında xüsusi çəkiyə, nüfuza sahib olması bütün hallarda üzvlərdən və bu üzvlərin seçdiyi sədrin hərəkətlərindən, kollektivdə tutduğu mövqedən çox asılıdır. Yəni sədr yerində olanda sözsüz ki, bu bələdiyyənin seçiciləri qarşısında nüfuzu da yetərli olur. 

***

Abdulla Məmmədov söhbət zamanı bələdiyyənin əvvəl ki, illərdə yığlıb qalmış  kifayət qədər borcu olduğunu, sədr seçilərkən bunun 11.000 manatı keçdiyi qeyd etdi. Gərgin fəaliyyətimin nəticəsində DSMF borcunu hələ 2022-ci ilin sonlarında bağlanıldı. Bütün addımlar bələdiyyənin inkişafına xidmət edir. 

Sədrin sözlərinə görə, bələdiyyənin vergi xidmətinin əsas vəzifəsi bu gün  büdcə gəlirlərini artırmağa və vergi ödəyiciləri arasında maarifləndirmə işlərinə yönəlib. Borclu vergi ödəyicilərlə bağlı məsələni icra və probasiya şöbəsinə müraciət etməklə həll edirik. Ötən il 11, cari ildə isə 17 nəfər barəsində məlumat  icra şöbəsinə göndərilib. Alacağımız məbləğ isə 29.000 manat təşkil edir. Hazırda bu məblğin 5.200 manatı bələdiyyə büdcəsinə köçürülüb Proses davam edir.

 Vergi xidməti tərəfindən ərazidə vergi ödəyicilərinin qeydiyyatı cətin də olsa aparılır. Ərazimizin müəyyən hissəsinin sürüşmə zönasına düşməsi, həmin ərazidə 150-dən artıq vergi ödəyicisinin olması büdcə gəlirlərimizə də mənfi təsir edir. Bütün hallarda yenilənmiş BAMS proqramı, habelə bu proqramın ƏMDX-in məlumat bazasına inteqrasiya edilməsi fəaliyyətimizə bir növ əlavə stimul verib. Hazırda ərazimizdə 28 əmlak obyekt kimi, 2090 əmlak şəxsi mülkiyyət kimi qeydiyyata alınıb. Ancaq ümumilikdə qəsəbə ərazisində 4049 təsərrüfatın olduğu müəyyən edilib. Bu sahədə proses uğurla davam edir. 

Sədr etiraf etdi ki,  yenilənmiş BAMS proqramının Əmlak Məsələləri Dövlət Xidmətinin elektron bazasına inteqrasiya edilməsi, həmçinin proqramın yenilənməsi fəaliyyətimizə ciddi dəstək verməkdədir. 

Əhalinin  mülkiyyət sənədlərinin olmaması,  xəritənin təqdim edilməməsi büdcə gəlirlərimizə  ciddi problem yaradır. Bu problemlərin həlli həm büdcə vəsaitlərinin artmasına, həm də vətəndaş məmnunluğunun təmin edilməsinə səbəb olacaq.

Suraxanı  RİH-in təşəbbüsü ilə bir sıra layihələrin icrasına nail olunub.  Bələdiyyə icra münasibətləri sivil şəkildə qurulduğundan elə də ciddi problemlə üz-üzə qalmırıq.  Kollektivimiz var qüvvəsiylə çalışır. 

***

Beləliklə, söhbətimizin sonunda gənc və bacarıqlı sədrə uğurlar arzulamaqla bələdiyyənin inzibati binasından ayrılırıq.

Vüqar Tofiqli