Bibiheybət bələdiyyəsi tələbələri təbrik edib
Səbail rayonu Bibiheybət bələdiyyəsində hər il olduğu kimi cari ildə ali mektəblərə qəbul olan tələbələri təbrik etmək üçün tədbir keçirilib. Bu barədə məlumat adıçəkilən bələdiyyədən daxil olub.
Tədbirdə 400 baldan yuxarı nəticə göstərən tələbələrə pul mükafatları ,digər tələbələrə hədiyyələr təqdim olunub.
Bələdiyyə sədri Validə Həsənova, sədr müavini Sədaqət Həsənova və sosial məsələlər üzrə daimi komissiyanın sədri Nərgiz Abdurəhmanova tələbə adını qazanmış gənclərimizə gələcək təhsillərində və fəaliyyətlərində uğurlar diləyərək, təbriklərini çatdırıblar.
Sonda tədbir iştirakçıları ilə birgə xatirə şəkli çəkilib.