30-05-2025 , 16:59
821
Yüklənir...
Ağsu rayonu Gəgəli bələdiyyəsi
04-09-2023
Gəncə şəhəri Nizami bələdiyyəsi
08-04-2023
07-04-2023
07-04-2023
06-04-2023
06-04-2023
06-04-2023
06-05-2025
16:27
18-11-2024
21:35
25-10-2024
22:08
17-10-2024
09:05
+
İxdiyar Nəcəfov: "Ölkəmizdə azyaşlıların əməyinin istismarının qarşısını almaq üçün müxtəlif tədbirlər həyata keçirilir"
"Uşaq hüquqları, bütün dünyada uşaqların müdafiəsi və rifahının təmin edilməsi məqsədilə qəbul edilmiş beynəlxalq norma və qanunlarla qorunur"- bu fikirləri Suraxanı rayonu Qaraçuxur bələdiyyəsinin sədri İxdiyar Nəcəfov Suraxanı RİH təşəbbüsü, Qaraçuxur bələdiyyəsinin və Səttar Bəhlulzadə adına gimnaziyanın təşkilatçılığı uşaq hüquqlarına həsr olunan tədbirdə səsləndirib.
Sədr daha sonra qeyd edib ki, 1989-cu ildə BMT tərəfindən qəbul edilən Uşaq Hüquqları Konvensiyası, uşaqların hüquqlarını təmin edən ən önəmli beynəlxalq sənəddir. Bu konvensiya uşaqların sağlam və təhlükəsiz mühitdə yaşamaq, təhsil almaq, oyun və istirahət etmək, sağlamlıq xidmətlərindən faydalanmaq və öz fikirlərini sərbəst ifadə etmək kimi hüquqlarını tanıyır və qoruyur. Uşaq hüquqları hər bir uşağın cinsindən, irqindən, dinindən, sosial vəziyyətindən asılı olmayaraq bərabər hüquqlara malik olduğunu təsdiqləyir.
Azyaşlıların əməyinin istismarı, uşaqların həm fiziki, həm də psixoloji inkişafına ciddi zərər vuran bir problemdir. Bu, uşaqların təhsil alma imkanlarının məhdudlaşdırılması, sağlamlıq vəziyyətlərinin pisləşməsi və ümumilikdə onların normal uşaqlıq həyatından məhrum olmaları ilə nəticələnir. Azyaşlıların əməyinin istismarı müxtəlif formalarda ola bilər: təhsilalanların erkən yaşda əməyə məcbur cəlb edilmələri, xüsusilə təhlükəli və zərərli işlərdə istifadə olunmaları onların təhsil hüququndan məhrum edilməsi hesab olunur.
Bu cür istismar halları yalnız uşağın inkişafına mənfi təsir göstərmir, həm də onların gələcək həyatına ciddi maneə törədir.
Sədr çıxışında qeyd edib ki, ölkəmizdə azyaşlıların əməyinin istismarının qarşısını almaq üçün müxtəlif tədbirlər həyata keçirilir. Bunlar arasında qanunvericiliklə uşaqların əməyinin qorunması, ictimai maarifləndirmə, sosial dəstək proqramları və beynəlxalq əməkdaşlıq xüsusi önəm daşıyır.
Bizim bir bələdiyyə olaraq üzərimizə düşən əsas vəzifələrdən biri maarifləndirmə işlərini gücləndirməklə bunlara müvəffəq olmaqdır.
Belediyye.info
Rəylər
0 Rəy