Vüsal Poladov: “Vergi borclarının yığılmasıyla bağlı məsələlərin hüquqi prosedurunun icrasında hər hansı problem yaşanmır”
“Xəzər
rayonu Buzovna bələdiyyəsi vergi borcu olan vətəndaşlarla mütəmadi olaraq
görüşlər keçirir. Ardıcıl keçirilən görüşlərdən sonra vergi ödəməyənlərlə bağlı
bələdiyyə iclasının qərarıyla qəbul edilmiş aktları Ədliyyə nazirliyinin İcra şöbəsinə
göndərir”- bu fikirləri Belediyye.infoya Xəzər rayonu Buzovna bələdiyyəsinin
hüquqşünası Vüsal Poladov bildirib.
Hüquqşünasın
bildirdiyinə görə, ötən il ərzində vergi ödəməyən 66 vergi ödəyicisi haqqında tərtib
edilmiş aktlar icra şöbəsinə göndərilib.
Onların birlikdə ödəyəcəyi məbləğ 30.545
manat olub. Vergi borcu olanların 40 nəfəri borcu tam şəkildə, 6 nəfəri hissəli şəkildə ödəyiblər. Bu istiqamətdən
bələdiyyə büdcəsinə il ərzində 23.300 manat maliyyə vəsaiti daxil olub.
Cari
ilin dörd ay ərzində isə 45 nəfər haqqında tərtib edilmiş akt icra şöbəsinə
göndərilb. Onların ödəyəcəyi məbləğ isə
19.106 manat olmalı idi. 45 nəfərdən hələ
ki 15 nəfər tam, 3 nəfər isə hissəli şəkildə
borcu ödəyiblər. İlin sonundək 27 nəfərin borcu ödəyəcəyinə inanırıq. Hazırda
ödənilən məbləğ 6.740 manat təşkil edir.
Hər halda vergi borclarının yığılmasıyla bağlı məsələlərin hüquqi prosedurunun icrasında hər hansı problem yaşanmır. Bələdiyyənin vergi xidməti bütün hallarda vergilərin toplanılmasıyla ciddi addımlar atır.
Belediyye.info
Rəylər
0 Rəy