Xəzər rayonu, Buzovna bələdiyyəsinin icra aparatı yerli özünüidarəetmə prinsiplərinə uyğun olaraq ərazidə sosial-iqtisadi inkişafın təmin olunması, yerli vergilərin səmərəli yığımı və sakinlərin sosial rifahının yüksəldilməsi istiqamətində ardıcıl və məqsədyönlü fəaliyyət göstərir. Bu gün  Buzovna bələdiyyəsinin əsas məqsədi şəffaf idarəetmə mexanizmlərini tətbiq etməklə bələdiyyə büdcəsinin formalaşdırılması və  əldə olunan vəsaitlərin əhalinin ehtiyaclarına uyğun istiqamətləndirilməsidir.

Məlumdur ki, yerli vergilərin yığımı sahəsində fəaliyyət bələdiyyənin maliyyə dayanıqlığının əsasını yerli vergilər və ödənişlər təşkil edir. Bələdiyyənin  icra aparatı tərəfindən torpaq və əmlak vergilərinin uçotu mütəmadi yenilənir, təkmilləşdirilir, vergi ödəyiciləri ilə maarifləndirici görüşlər keçirilir və ödənişlərin vaxtında həyata keçirilməsi üçün bildiriş sistemi tətbiq olunur.

Son dövrlərdə rəqəmsal qeydiyyatın genişləndirilməsi, məlumat bazasının təkmilləşdirilməsi və borclu sakinlərlə fərdi işin aparılması nəticəsində yığım səviyyəsində əhəmiyyətli artım müşahidə edilmişdir. Bu yanaşma həm büdcə daxilolmalarının artmasına, həm də vergi intizamının güclənməsinə şərait yaratmışdır.

Yığılan vəsaitlər ilk növbədə sosial əhəmiyyətli layihələrin icrasına yönəldilir. İcra aparatı tərəfindən aztəminatlı ailələrə maddi yardım göstərilməsi, şəhid ailələri və qazilər və veteranlara dəstək proqramlarının həyata keçirilməsi daim Buzovna bələdiyyəsinin rəhbərliyi tərəfindən diqqət mərkəzində saxlanılır.

Eyni zamanda qəsəbə ərazisində abadlıq və infrastruktur layihələri icra olunur. Küçələrin təmiri, işıqlandırma sistemlərinin yenilənməsi, məhəllədaxili yolların bərpası və tullantıların vaxtında daşınmasının təşkili istiqamətində aparılan işlərə dəstək sosial rifahın yüksəldilməsinə xidmət edir. Yaşıllıq zonalarının salınması və ictimai məkanların abadlaşdırılması istiqamətində görülən işlər də sakinlərin rahatlığını təmin etməyə yönəlmişdir.

İcra aparatı vətəndaş müraciətlərinə həssaslıqla yanaşır, qəbul günləri və səyyar görüşlər vasitəsilə sakinlərin problemlərini birbaşa dinləyir. Daxil olan müraciətlər operativ şəkildə araşdırılır və qanunvericiliyə uyğun tədbirlər görülür. Büdcə vəsaitlərinin xərclənməsi barədə hesabatlılıq prinsipi əsas götürülür və ictimaiyyətə mütəmadi məlumat verilir.

Bələdiyyə rəhbərliyi qarşıdakı dövrdə vergi bazasının daha da genişləndirilməsi, sosial layihələrin sayının artırılması və müasir idarəetmə mexanizmlərinin tətbiqini prioritet istiqamət kimi müəyyənləşdirmişdir. Əsas məqsəd Buzovnada dayanıqlı inkişaf modelinin formalaşdırılması və əhalinin sosial rifahının daha da yaxşılaşdırılmasıdır.

Beləliklə, Buzovna bələdiyyəsinin icra aparatı yerli vergilərin səmərəli təşkili və sosial problemlərin ardıcıl həlli istiqamətində sistemli fəaliyyət göstərərək qəsəbənin inkişafına mühüm töhfə verməkdədir.

Təbriz Ağayev

Xəzər rayonu, Buzovna bələdiyyəsinin sədr müavini