“Qaraçuxur bələdiyyəsi ölkəmizdə öz  vəsaiti ilə özünəməxsus inzibati binaya sahib olan azsaylı  bələdiyyələrdəndir. İnzibati bina bələdiyyənin maliyyə vəsaiti ilə 2002-ci ilin sentyabr ayında istifadəyə verilib”- bu fikirləri adıçəkilən bələdiyyənin sədri İxdiyar Nəcəfov "Bələdiyyələrin fəaliyyətinin təbliği" İctimai birliyinin sədri Vüqar Tofiqlinin iştirakı ilə keçirilən görüşdə bildirib.

Görüşdə bələdiyyənin hazırladığı vdeorolikin təqdimatı keçirilib. Videorolik bələdiyyənin ötən illərdəki fəaliyyətinə qısa bir baxışdır.

Görüşdə ciddi fikir mübadiləsi aparıldı. Maraqlı təkliflər səsləndi.

Görüşdə qeyd edildi ki,  bildirişlərin GR kodla vergi ödəyicilərinə təqdim edilməsi bələdiyyənin büdcə gəlirlərinin artımına səbəb olub. Belə ki, vergi xidmətinin apardığı təhlilə görə, bu gün  əldə olunan maliyə vəsaitinin 11 faizədək hissəsi məhz bu yeniliyin tətbiqi ilə bağlıdır.

Suraxanı RİH-dəstəyini hər zaman hiss edən Qaraçuxur bələdiyyəsi bu gün vətəndaş məmnunluğunun təmin edilməsi üçün ciddi şəkildə çalışır. Bələdiyyənin həyata keçirdiyi layihələrin böyük bir qismi isə  Suraxanı RİH-in təşəbbüsü ilə həyata keçirilib.

Sədr İxdiyar Nəcəfov  daha sonra bildirib ki, bələdiyyədə vətəndaşların müraciətləri və qəbulu daim diqqət mərkəzində saxlanılır. Vətəndaşların üzləşdiyi  problemlərin həlli ilə bağlı məsələlər daim bələdiyyə iclasında muzakirəyə çıxarılır. Bələdiyyənin üzv və qulluqçularının iştirakıyla keçirilən hər qəbulda 20 nəfərə yaxın sakin   iştirak edir, qəbulda onların müraciətləri dinlənilir.

Rayon ərazisində vətəndaş məmnunluğunun təmin edilməsi məqsədi ilə sakinlərlə yerlərdə də səyyar qəbulları keçirilir.

Hesabat dövründə şəxsən bələdiyyə  sədri tərəfindən 2024-cü il ərzində  576 nəfər, ümumilikdə isə bələdiyyə rəsmilər tərəfindən il ərzində  2723 nəfər vətəndaş qəbul edilmişdir.

Bələdiyyənin fəaliyyətində büdcənin formalaşması və icrası diqqətdə saxlanılır.  Qaraçuxur bələdiyyəsinin vergi yığımı 2021-cü ilə nisbətdə 2024-ci ildə kifayət qədər artmışdır.  Hazırda bələdiyyə büdcəsinin əsas gəlir hissəsi əmlak və torpaq vergisindən formalaşır. Büdcə gəlirlərinin 75 faizi məhz bu istiqamətdən daxil olur.

Vergilərin toplanılmasında mövcud problemləri aradan qaldırmaq üçün daim bələdiyyənin vergi xidməti vergi ödəyiciləri ilə görüşlər keçirir və onlara mövcud qanunlar barədə məlumatlar verilir. 

2023-cü ilin  sonlarından tətbiq edilən yenilik isə vergi xidmət əməkdaşlarının ürəyincə olub. Belə ki, Adminstrasiyanın Bələdiyyələrlə iş sektorunun təşəbbüsü və Azərbaycan Bələdiyyələrinin Milli Assosiasiyalarının təşkilatçılığı, “Bələdiyyələrin onlayn xidmət“ mərkəzinin iştirakı ilə BAMS-ın Əmlak məsələləri Dövlət Xidmətinin məlumat sisteminə inteqrasiya edilməsi bələdiyyə üçün mühüm rol oynayıb.

Görüşdə bildirilib ki şəhid və qazi ailələrinə Suraxanı Rayon İcra Hakimiyyəti ilə yanaşı Qaraçuxur bələdiyyəsinin hər daim diqqətindədir. Mütəmadi olaraq Qaraçuxur bələdiyyəsində rayon sakinləri olan qazi və şahid ailəsinin üzvləriylə ilə görüşlər keçirilir, bu qrupa aid insanlara daim maddi və mənəvi dəstək göstərilir. 

Şəhid və qazi ailələrinə maddi və mənəvi dəstəyin göstərilməsi bu gün Qaraçuxur bələdiyyəsinin hər bir üzv və qulluqçunun əsas vəzifəsi hesab olunur.

Görüşdə iştiak edən “Bələdiyyələrin fəaliyyətinin təbliği” İctimai birliyin sədri Vüqar Tofiqli  iştirakçıları maraqlıandıran sualları cavablandırıb.

Xatırladaq ki, Qaraçuxur yaşayış məntəsi olaraq 1923-cü ildən Kaqanoviç qəsəbəsi, 1931-cu ilin noyabr ayından isə Kaqanoviç rayonu adlandırılmışdır.

1930 - cu ilin avqust ayında republikada aparılan yeni inzibati ərazi bölgüsündən sonra, yəni 26 fevral 1936-cı ildə yaşayış məntəqəsi qəsəbə statusu almışdır.

1931-ci ildən yaradılan Kaqanovic rayonu isə 26 sentyabr 1955-ci ildə Bakı şəhəri Ordconikdze rayonunun tərkibinə verildiyindən yaşayış mənətəqəsi  yenidən Kaqanoviç qəsəbəsi adlandırılmışdır. Qəsəbə 31 avqust 1957-ci ildə Qaraçuxur  adlandırılsa da, 26 may 1964-cü ildə bu ad Serebrovski adı ilə əvəzlənmişdir.

Müstəqillik qazandıqdan sonra Azərbaycan Respublikası Ali Sovetinin 29 aprel 1992-ci il tarixli qərarı ilə qəsəbə yenidən Qaraçuxur adlandırılmışdır.

Hazırda qəsəbə əhalisi 91.398 nəfər təşkil edir.