Belediyye.info 2015-ci ilin may ayının 25-i tarixindən fəaliyyətdədir.

10-06-2023 , 10:16

Son xəbərlər

Bütün xəbərlər

Ən çox oxunanlar

Bu gün Bu həftə Bu ay
Region
- +
Layihənin  təqdimatı Mingəçevir bələdiyyəsində keçirilib

Mingəçevir bələdiyyəsi Merlərin Razılaşması ilə əməkdaşlıq haqqında danışıqlara 2017-ci ildən başlamışdır. Razılaşmaya əsasən, Mingəçevir bələdiyyəsi şəhərin 2030-cu ilədək Davamlı Enerji və İqlim Dəyişkənliyi üzrə Fəaliyyət Planını hazırlamalı və Tədbirlər Planını təqdim etməli idi.

Bələdiyyənin qərarı ilə yaradılmış İşçi Qrupu və ekspertlərin iştirakı ilə hazırlanmış Tədbirlər Planı artıq Avropa Birliyinin müvafiq qurumlarında baxılaraq təsdiq olunmuşdur.

Mingəçevirdə həyata keçiriləcək layihələr müəyyənləşmişdir. Bu münasibətlə bələdiyyədə Avropa Birliyinin maliyyələşdirəcəyi layihələrin təqdimat mərasimi keçirildi.

Bələdiyyənin sədri Ramiz Əliyev mərasim iştirakçılarını salamladı və əmin olduğunun bildirdi ki, bu layihələr şəhərimizdə uğurlu icra ediləcəkdir.

Layihənin koordinatoru Şəhriyar Mustafayev Fəaliyyət Planı barədə məlumat verdi. Layihələr barədə AB-dən layihə rəhbərinin müavini Maksim Verişşaqin danışdı. O bildirdi ki, layihənin əsas məqsədləri Dayanıqlı enerji yaratmaq, enerjidən istifadənin səmərəliyini artırmaq və CO2 emissiyasını azaltmaqdır. M.Verişşaqin layihəyə Azərbaycandan 0 bələdiyyənin qoşulduğunu dedi və Mingəçevirdə “Parklarda yaşıllıqların damcı üsulu ilə suvarılması”, “Binaların termodernizasiya edilməsi” və “Mərkəzi istilik sisteminin yaradılması” layihəsinin icra ediləcəyi barədə geniş məlumat verdi və layihələrin təqdimatını etdi.

Tədbir iştirakçılarından Z.Qasımlı, Ç.Nəzərov, M.Məlikov, F.Nəbiyev, V.Mustafayev və başqaları layihələr barədə suallarla çıxış etdilər. Sualları Azərbaycan üzrə ölkə eksperti Cahangir Əfəndiyev cavablandırdı.

Tədbirdə bələdiyyə üzvləri, MDU-nin müəllimləri, KİV nümayəndələri, QHT təmsilçiləri iştirak etdilər.