“Bələdiyyə olaraq əsas məqsədimiz  büdcə gəlirlərini artırmaqla seçicilərimizə verdiyimiz öhdəlikləri layiqincə yerinə yetirməkdir”- bu fikirləri Belediyye.infoya Naxçıvan bələdiyyəsinin sədri Tahir Hüseynli deyib.

Sədr qeyd edib ki, 17 nəfərlik bələdiyyə üzvlərinin, bələdiyyə qulluqçularının və bələdiyyənin vergi xidməti əməkdaşlarının birgə səyi ilə cari ildə daha böyük uğurlara imza atmaq niyyətindəyik. 

Son dörd ilin büdcə gəlirlərinin təhlili göstərir ki, əmlak vergisinin yığımında ciddi irəliləyişə nail olunub.

2023- cü ildə 3.984 manatlıq,  2024-cü ildə 5.198 manatlıq, 2025-ci ildə 3.888 manatlıq əmlak vergisi əldə edilmişdirsə, cari ilin ilk ayında bu rəqəm 6.454 manata bərabər olub.  Bu isə ötən illə müqayisədə  65 fazilik artım deməkdir. Bu gün BAMS proqramına qoşulmaqla  bu proqramın verdiyi imkanlardan tam yararlanmağa çalışırıq. 

Nəzərə alaq ki, hazırda vergi xidmətinin əməkdaşları borclu vergi ödəyiciləri ilə görüşləri davam etdirir, qanunvericiliyin tələblərini onlara izah etməyə çalışırlar. Onu da qeyd edək ki, bələdiyyənin vergi xidmətinin bu gün əsas vəzifəsi bələdiyyənin vergi-uçot sistemini təkmilləşdirmək və mövcud problemləri aradan qaldırmaq, həmçinin sistemdə vergi ödəyiciləri haqqında məlumatları dəqiqləşdirməkdən ibarətdir.  

Sədr diqqəti bəzi rəqəmlərə də çəkdi. Yəni 2023-cü ilin yanvar ayı ərzində 11.763 manat büdcədaxilolmaları olmuşdursa, cari ildə bu rəqəm 25498 manat olub. Nəzərə alaq  ki, ay ərzində bələdiyyə mülkiyyətinin özgəninkiləşdirilməsi ilə bağlı hər hansı maliyyə vəsaiti büdcəyə daxil olmayıb. Bu uğurları hələ son hədəf hesab etmirik. Cari ilə daha böyük uğurlara imza atmaqla qarşımıza qoyduğumuz hədəfə doğru bir  addımda irəliləyəcəyik.

Belediyye.info