Bələdiyyə sədri sivil cəmiyyətdə bir statusdur. O həm də bələdiyyənin icra aparatının və kollegial orqanın rəhbəridir. Belə olan halda  qərarlar da kollegial şəkildə qəbul edilməlidir. Bu gün yeni seçilən bələdiyyə sədrlərindən bələdiyyə qulluğunda olan insanlarla davranışlarına diqqətli olmalarını xahiş edirəm. Bəzi sədrlər fəaliyyətə başladığı gün bütün qulluqculardan işdən azad edilmələri barədə ərizə yazmalarını bir tələb kimi onların qarşısına qoyublar. Birdən-birə belə bir addımın atılması yolverilməzdir. Öz komandanızı formalaşdırmaq istəyi bu şəkildə icra olunmur. Atılan hər bir addım qanuna və qanunun aliliyinə söykənməlidir. Qulluqçuları kütləvi şəkildə işdən azad etməyə çağırışın edilməsi qəbul edilən fakt deyil. Bu gün uzun illər çalışan bələdiyyə sədrləri var ki,  seçildiyi vaxt olan kollektivin heç  bir üzvünü işdən çıxarmayıb, əksinə zəif, kölgədə qalan işçilərə stimul verərək həm də öz komandasına əlavə edib. Əgər bələdiyyə ciddi maliyyə böhranı ilə  üz-üzə qalıbsa, birinci növbədə böhranın səbəbləri əvvəlcədən araşdırılmalı və vəziyyətdən çıxış yolları müəyyən edilməli idi. Və ortaya  vəziyyətdən çıxış yollarını müəyyən edən konkret proqram qoyulmalı idi. Niyə özünüzə  heç nədən problem yaradırsınız. Bu addımınızla müəyyən qurumlara  niyə əlavə "çörək" verirsiniz. Elə o rüsum şəkilində verəcəyiniz "çorəyi' bələdiyyənin hansısa probleminin həllinə yönəldə bilərsiniz. Əgər vaxtında bələdiyyədə sədr işləmiş şəxs hansısa qanun pozuntusuna yol veribsə və əldə olunan maliyyə vəsaitinin hamısını əməkhaqqına yonəldibsə, demək burda günah tək sabiq sədr də deyil, həmdə bu prosesə göz yuman qurumlardadır. Və xüsusəndə RİH-lərdə.  Çünki borcun içində boğulan bələdiyyəni vəziyyətdən çıxarmaq əvəzinə,  onu "yükləmək" lazım deyildi. Nə isə... 

Bütün hallarda yeri gəlsə problemin əsas məğzini bir qədərdə genişləndirmək olardı. Və baş verənləri bələdiyyələr üzrə adbaad yazmaq olardı. Ancaq  buna hələ ehtiyac görmürəm. Güman edirəm ki, bu müraciətimlə  prosesə son verilər. 

Bununla yanaşı başqa bir məqama  bələdiyyənin inzibati binasının mühafizəsi üçün quraşdırılan kamera sisteminə toxunmaq istərdim.  Bu gün bütün qurumlar da kamera sistemi quraşdırılıb. Bu həqiqətən cox vacib bir addımdır. Ancaq onun 5-6 nəfər  xanımın çalışdığı otağa quraşdırılması nə məntiqə, nə dəki etik qaydalara sığır. Bələdiyyə qulluqçusuna etimad göstərib, stimul verib iş keyfiyyətini artırmaq əvəzinə bu addımın atılması konkret olaraq yolverilməzdir. 

Nəhayət üçüncü məqam. Bələdiyyənin uğuru onun fəaliyyətinin təbliğindən keçir. Bu gün sosial medianın verdiyi imkandan istifadə etməklə fəaliyyəti təbliğ etmək imkanından niyə yararlanmırıq. Yaralananlar isə bir çox hallarda paylaşılan məlumatın nə mətninə, nədə şəkillərə diqqət edirlər. 

Güman edirəm ki, əgər fəaliyyəti qanun çərçivəsində, o cümlədən verilən metodik tövsiyələrə uyğun qurmuş olsaq, habelə bələdiyyənin nüfuzunu artırmağa yönələn hərəkət etmiş olsaq,  onda problemlərdən də uzaq olmuş olacağıq. Bu gün yeni seçilmiş bələdiyyə sədrlər əsas diqqəti  vergi-uçot sistemini təkmlləşdirməklə büdcə gəlirlərini artırmağa yönəltməlidiriər. Konkret. 

Nə isə, çalışıb yazılanlardan nəticə çıxaraq.

Vüqar Tofiqli