02-11-2023 , 19:31
4231
Yüklənir...
Ağsu rayonu Gəgəli bələdiyyəsi
04-09-2023
Gəncə şəhəri Nizami bələdiyyəsi
08-04-2023
07-04-2023
07-04-2023
06-04-2023
06-04-2023
06-04-2023
06-05-2025
16:27
18-11-2024
21:35
25-10-2024
22:08
17-10-2024
09:05
+
Bibiheybət bələdiyyəsi tərəfindən Heydər Əliyevin 100 illik yubileyi münasibəti ilə şeir müsabiqəsi keçirildi.
Azərbaycan Respublikasının Prezidenti cənab İlham Əliyevin Azərbaycan Respublikasında 2023-cü ilin “Heydər Əliyev ili” elan edilməsi ilə bağlı 29 sentyabr 2022-ci il tarixli Sərəncama əsasən həyata keçiriləcək tədbirlər çərçivəsində Azərbaycan xalqının Ümumimilli Lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə töhfə olaraq bələdiyyə tərəfindən tədbirlər planı hazırlanmış və tədbirlər planına əsasən 02.11.2023-cü il tarixində qəsəbədə fəaliyyət göstərən Cəbrayıl Əskərov adına 50 nömrəli tam orta məktəbdə “Odlar Yurdu Azərbaycan” adlı şeir müsabiqəsi təşkil olunmuşdur.
Şeir müsabiqəsinin keçirilməsində əsas məqsəd Ulu Öndər Heydər Əliyevin mədəniyyətə və gənclərə qayğısını rəhbər tutaraq, mədəniyyət sahəsində inkişafın təmin edilməsi, uşaqların vətənpərvərlik ruhunda, mədəniyyətə, incəsənətə, adət-ənənələrimizə bağlı tərbiyə edilməsi, doğma Azərbaycanımızın inkişafında körpədən yaşlıya hər bir Azərbaycan vətəndaşının iştirakının vacibliyini çatdırmaqdır.Möhkəm təməl və milli dəyərlər üzərində müasir dövlətin qurulması, xalqımızın milli ideya ətrafında birləşməsi, azərbaycançılıq ideologiyası Heydər Əliyev siyasətinin əsas istiqamətlərindən idi.
Müsabiqə ibtidai və V-XI sinif şagirdləri arasında keçirildi və qaliblər müsabiqənin meyarlarına əsasən qoyulmuş ballarla qiymətləndirilərək mükafatlandırıldı.Belə ki, ibtidai siniflər üzrə I yer- 50(əlli)manat, II yer-30 (otuz) manat, III yer-20 (iyirmi) manat, V-XI siniflər üzrə I yer -100 (bir yüz) manat, II yer-50 (əlli) manat, III yer -30 (otuz) manat olaraq mükafatlandırıldı. Bundan əlavə qaliblər Bibiheybət bələdiyyəsinin sədri Validə Həsənova və məktəbin direktoru Vəfa Məmmədovanın imzaları ilə Fəxri Fərmanlarla təltif olundular.
Səbail bələdiyyəsinin Gender, informasiya və layihələrlə iş şöbəsinin müdiri Xatun Kərimova və
Badamdar bələdiyyəsinin sədr müavini Xədicə Həsənova müsabiqədə münsiflər heyəti qismində iştirak edirdilər.
Azərbaycan Respublikasının Dövlət Himni və şəhidlərin əziz xatirələrinin bir dəqiqəlik sükutla yad edilməsi ilə başlayan müsabiqə sonda müsabiqə iştirakçılarıyla xatirə şəkli çəkilməsi ilə yekunlaşdı.
Bibiheybət bələdiyyəsi
Rəylər
0 Rəy