Belediyye.info 2015-ci ilin may ayının 25-i tarixindən fəaliyyətdədir.

01-06-2024 , 09:33

Ən çox oxunanlar

Bu gün Bu həftə Bu ay
Bakı
- +

Binə Bələdiyyəsi atası şəhid olmuş uşaqların bayramını  bu şəkildə qeyd etdi

“1 iyun - Uşaqların Beynəlxalq Müdafiəsi Günü münasibətiylə Binə bələdiyyəsi şəhid ailələrinin azyaşlı övladlarını təbrik edərək onlara  bayram hədiyyəsi  təqdim ediblər”- bu barədə məlumat verən Binə bələdiyyəsinin sədri Habil Həmidov Belediyye.infoya açıqlamasında bildirib ki, qəsəbə ərazisində ərazi bütovlüyümüzün bərpası zamanı 26 nəfər şəhid olub. Onlardan ikisi ailəli olub.

Binə Bələdiyyəsinin təşəbbüsü ilə mütəmadi olaraq bu ailələrin hər biri ziyarət olunur, onları narahat edən məsələlər dinlənilir və bələdiyyədən asılı olan məsələlərin həlliylə bağlı addımlar atılır. Şəhid övladları  1 iyun - Uşaqların Beynəlxalq Müdafiəsi günündə ziyarət olunaraq qiymətli hədiyyələr təqdim edilmişdir.

Əlavə edək ki, 1 iyun - Uşaqların Beynəlxalq Müdafiəsi Gününün qeyd olunması 1950-ci ildə Birləşmiş Millətlər Təşkilatının Baş Assambleyası tərəfindən qərara alınıb. Həmin gün təşkil olunan “Qadınların Beynəlxalq Konfransı”nda uşaq hüquqlarının təmin edilməsi ilə bağlı təkliflər səslənib və elə həmin tədbirdə də 1 iyun tarixini uşaqların beynəlxalq müdafiəsinə həsr etmək qərarı verilib.

Belediyye.info