Bələdiyyə sədri: “Qəsəbənin abadlıq-quruculuq işlərində bizlərin də üzərinə müəyyən məsuliyyət yükü düşür”
“Abadlıq-quruculuq
işləri ölkəmizin hər yerində olduğu kimi Bakı şəhərinin qəsəbələrində də davam
etdirilir. Bu isdə biz bələdiyyələrin də üzərinə müəyyən məsuliyyət yükü düşür”
– bu fikirləri Sabunçu rayonu Sabunçu bələdiyyəsinin sədri Əlfəddin Həsənov bildirib.
Sədrin
sözlərinə görə, bələdiyyə olaraq fəaliyyətimizi əsasən vətəndaş müraciətləri üzərində
qururuq. Bu günlərdə sakinlərin məhəllədaxili
yolda təmir işlərinin aparılması və yola asfalt salınmasıyla bağlı mürəciətə
bələdiyyə iclasında baxılaraq müsbət qərar verilmişdir. Qərara əsasən qəsəbənin
Əliyar Əliyev küçəsinin məhəllədaxili hissəsində asfaltsız yolun yenidən
qurulması və abadlaşdırılması mərhələli şəkildə həyata keçirilməyə başlanılıb. Vətəndaşların rahat və maneəsiz gediş-gəlişini
təmin etmək məqsədilə əraziyə asfalt salınması artıq başa çatdırılıb.
Qeyd edək ki, Sabunçu bələdiyyəsi tərəfindən qəsəbə ərazisində maliyyə imkanları çərçivəsində ehtiyac olan küçələrdə bu məzmunda işlərin mərhələli şəkildə davam etdirilməsi nəzərdə tutulur.
Belediyye.info
Rəylər
0 Rəy