Bələdiyyə sədri: “Əmlak vergisinin yığılmasına mane olan əsas səbəb ərazidə çoxsaylı sənədsiz evlərin olmasıdır”
“Buzovna
Bələdiyyəsi tərəfindən ötən il 115.170 manat həcmində əmlak vergisi
yığılmışdır”- bu fikirləri Xəzər rayonu Buzovna Bələdiyyəsinin sədri Mətləb
Əliyev bildirib.
Sədr qeyd edib ki, 2019-cu ildə isə əmlak vergisinin həcmi 60.748 manat olmuşdu. Son üç il ərzində bələdiyyənin vergi xidmətinin və hüquqşünasın gərgin əməyi sayəsində əmlak vergisinin həcmi 53 faiz artmışdır.
Ümumilikdə isə, əmlak vergisi Buzovna Bələdiyyəsinin büdcə gəlirlərinin
70%-ni təşkil edir.
Mətləb
Əliyev bildirib ki, əmlak vergisinin yığılmasına mane olan məsələlərdən ən
vacibi ərazidə sənədsiz evlərə
çıxarışların verilməməsi ilə əlaqədardır. Sənədsiz evlərə çıxarışlar verilsə
büdcə gəlirlərimiz yüz faizədək artar.
Hal-hazırda
BAMS proqramının təkmilləşdirilməsi nəticəsində Bələdiyyə vergilərin
yığılmasında artım müşahidə olunur, belə ki, tərəfimizdən qəsəbədə olan küçələrin
hissəvi şəkildə çıxarışları çıxarılaraq BAMS-a əlavə olnur və vergi ödənişlərin
olunması ilə əlaqədar maarifləndirici söhbətlər aparılaraq vergiləri ödətdirilir.
Bundan əlavə qeyd etmək istəyirik ki, vergidən yayınan qəsəbə sakinləri barədə 2021-ci ildə 27 inzibati qərar qəbul olunmuş, həmin qərarlardan 23 qərar icra olunaraq bələdiyyə büdcəsinə 14.400 manat daxil olmuş, 2022-ci ildə 66 şəxs barədə qərar qəbul olunmuş, onlardan 46 qərar icra olunaraq bələdiyyə büdcəsinə 24.300 manat vəsait daxil olmuş, 2023-cü ildə 59 inzibati qərar qəbul olunmuş, həmin qərarlardan 28 qərar icra olunmuş və bələdiyyə büdcəsinə 10.941 manat vəsait daxil olmuşdur. Həmin illər ərzində icra olunmamış qərarlar üzrə ümimilikdə 24.000 manatdan artıq məbləğdə vəsaitin ödənməsi mümkün olmamış və hal-hazıra qədər İcra şöbəsində icraatda qalmaqdadır.
Belediyye.info
Rəylər
0 Rəy