Ruhin Orucov: “Sakinlərin müraciəti əsasında həyata keçirilən layihə razılıqla qarşılanıb”
“Sabunçu rayonu, Bakıxanov bələdiyyəsi vətəndaşların rahat gediş-gəlişini təmin etmək məqsədilə təmirə ehtiyacı olan küçə və yaşayış sahələrinin asfaltlanması işləri davam etdirilir”- bu fikirləri Belediyye.infoya adıçəkilən bələdiyyənin sədri Ruhin Orucov deyib.
Sədr
bildirib ki, texnoloji ardıcıllığa uyğun aparılan işlər nəticəsində bu dəfə
Bakıxanov qəsəbəsi Y. Əliyev və Ə. Anaplı küçələrinə yeni asfalt örtüyü salınmışdır. Layihə çərçivəsində
küçələrdə elektrik, qaz, su və telekommunikasiya xətləri də qaydaya salınıb.
Sakinlərin müraciəti əsasında həyata keçirilən layihə razılıqla qarşılanıb.
Yeni
asfalt örtüyü salınan küçələrə ilkin olaraq qum-çınqıl qatışığı töküldü, xüsusi
texnika vasitəsilə kipləşdirmə işləri aparılaraq yüksək keyfiyyətli, iki qatlı
asfalt-beton örtüyü salındı.
Görülən işlər sakinlərimizin və şəhərimizin qonaqlarının rahat gediş-gəlişinin təmin olunmasına və yol infrastrukturunun yenilənməsinə yönəlmişdir.
Rəylər
0 Rəy