Hazırkı XXI əsrin mürəkkəb geosiyasi və iqtisadi reallıqları uğurlu və güclü dövlət idarəçiliyinin çoxşaxəli strategiyaya, qətiyyətli siyasi iradəyə və effektiv mexanizmlərin tətbiqinə söykənməsini tələb edir. Cənab Prezident İlham Əliyev məhz bu prinsiplər əsasında ümummilli liderimiz Heydər Əliyevin əsasını qoyduğu siyasi xətti uğurla  davam etdirərərək Azərbaycan Respublikasını iqtisadi inkişaf, demokratik, hüquqi dövlət quruculuğu və ictimai-siyasi sabitlik baxımından dünyanın ən etibarlı dövlətlərindən birinə çevirib.

Müzəffər Ali Baş Komandan İlham Əliyevin qətiyyəti və uzaqgörən siyasəti nəticəsində possovet məkanındakı dondurulmuş münaqişələrin tarixində president yaradılaraq Azərbaycanın ərazi bütövlüyü bərpa olunub və suverenliyimiz ölkənin hər bir yerində bərqərar edilib. Ölkəmizin sürətli və dayanıqlı inkişafı, ərazi bütövlüyümüzün bərpası, işğaldan azad edilən ərazilərdə böyük quruculuq işlərinin aparılması, vətəndaş cəmiyyəti quruculuğu, təhlükəsizliyin təmin olunması, iqtisadi potensialın gücləndirilməsi, vətəndaşların sosial rifahının yüksəldilməsi dövlətimizin beynəlxalq nüfuzunun artmasında mühüm rol oynayır. Prezident İlham Əliyev müasir Azərbaycanın inkişaf modelini güclü dövlətçilik, dayanıqlı sabitlik və iqtisadiyyat, sosial ədalət və vətəndaş birliyi üzərində və mükəmməl şəkildə inşa edib. Məhz buna görə də vətəndaşlarımız öz dövlətinə və onun rəhbərinə ürəkdən inanır,  vətənimiz və prezidentimizlə qürur duyurlar.

Əhalisinin rəsmi sayına görə ölkəmizin dördüncü, faktiki məskunlaşma statistikasına görə isə üçüncü böyük şəhəri olan Xırdalan son onilliklərdə sakinləri ən sürətlə artan yaşayış məntəqəsidir. Fəaliyyətində dövlətimizin siyasi və iqtisadi prioritetlərini rəhbər seçən Xırdalan bələdiyyəsi vətəndaşların məmnunluğunun təmin olunmasına xüsusi diqqət yetirir. Xırdalan bələdiyyəsi ötən bir ildə müraciətlərin operativ və düzgün cavablandırılması, yerli sosial problemlərin həllində iştirakçılığın artırılması, çatışmazlıqların müəyyənləşdirilərək aradan qaldırılması və qanunvericiliyin verdiyi imkanlardan səmərəli istifadə etməklə üzərinə düşən məsuliyyəti uğurla icra etməyə çalışıb. Xırdalanın yerli özünüidarəetmə orqanı daim fəaliyyətinin gücləndirilməsini və həssas kateqoriyadan olan sakinlərin qayğılarının həllinə yardım edilməsini diqqətdə saxlayır.

2025-ci ilin yanvar-fevral aylarında  Xırdalan bələdiyyəsinin əvvəlki tərkibinin dövründə Xırdalan qəbiristanlığının ərazisindəki yollara asfalt örtüyünün çəkilməsi və abadlıq işlərinə 28084,00 manat, qəbiristanlıqda təmir-tikinti, bərpa və yenidənqurma işlərinə 31801,00 manat, qəbiristanlığın ərazisindəki tullantıların daşınmasına 4800,53 manat sərf olunub. “Sage Solution” (“Ağıllı bələdiyyə”, Xırdalan şəhərinin sosial və iqtisadi inkişaf planının hazırlanması layihəsi) üçün 43470,01 manat ödənilib.

2025-ci il ərzində Xırdalan bələdiyyəsinin gəlir və büdcə daxil olmaları 1.235.092 manat təşkil edib. Ötən il Xırdalan bələdiyyəsinin rəhbərliyinin və əməkdaşlarının əmək haqqı fondu 505424,89 manat, DSMF ödənişləri 182977,57 manat, əməkdaşların icbari tibbi sığortası isə 25797,46 manat təşkil edib. Azərbaycan Ordusuna Yardım Fondu üçün 7486,59 manat, işsizlik fondu üçün 7321,73 manat ödəniş edilib.

Ötən il şəhid ailələri Xırdalan bələdiyyəsinin diqqətində olub. Şəhid, qazi ailələrinə, həmçinin, aztəminatlı şəxslərə Qurban bayramı ilə bağlı ərzaq yardımı üçün 12750,00 manat xərclənib.  Novruz bayramı ərəfəsində 3 şəhid ailəsinə (şəhidlərimiz Ataşov Asif, Hüseynov Rəhim və Musibov Veysel)  çatdırılan bayram sovqatı üçün 900 manat ödənilib.

 2025-ci ildə Xırdalan bələdiyyəsi aztəminatlı və imkansız ailələrə maddi yardım üçün 5539,04 manat sərf edib.

Xırdalan sakini olan tələbənin təhsil haqqının ödənişinə köməklik məqsədilə büdcədən 1300,00 manat ayrılıb.

Eyni zamanda ötən il Şəhər Bələdiyyələrinin Milli Assossasiyasına üzvlük haqqı üçün 3300,00 manat, Sumqayıt YXO üçün 1277,25 manat,  “Bələdiyyə.info” internet saytına abunə haqqı 400,00 manat, “Atəşgah” Sığortaya 971,85 manat ödənilib.

Bələdiyyənin normal fəaliyyətinin təmin olunması məqsədi ilə ofisdəki katriclərinin doldurulması üçün 2510,00 manat, kabel avadanlığının çəkilməsi, kompyuter təmir işləri üçün 1145,00 manat, kompyuter, printer, monitor, internet və telefon haqqı üçün 1174,01 manat, yanğın söndürən balonların alışına 88,50 manat, bank və poçt xidmət haqqı üçün 7999,59 manat, poçt xidmət haqqı üçün 25995,67 manat, elektrik enerji ödənişi üçün 1010,00 manat, mavi yanacaq üçün 2270,18 manat, içməli su üçün 546,00 manat, dəftərxana ləvazimatı, məktublara marka sifarişi üçün 1970,65 manat,  bələdiyyənin əməkdaşlarının “Azərfon” Nar nömrələrə aylıq abunə haqqı üçün 23843,93 manat,  bələdiyyəyə məxsus xidməti minik avtomobilinin ilkin ödənişi və aylıq kredit haqqı üçün 34441,33 manat, bu avtomobilin sığortası üçün 279,98 manat, avtomobilə yanacaq üçün 1746,02 manat, audit xidmət haqqı üçün 10000,00 manat, bələdiyyə məxsus olmuş “Honda  Accord”  markalı avtonəqliyyat vasitəsinin dəyəndirilməsi üçün 540,00 manat, xəstəlik vərəqəsi üzrə olunan ödəniş üçün  946,17 manat ayrılıb. Bələdiyyənin rabitə xərci və qısa SMS xidmətinə 23843,93 manat, bələdiyyənin inzibati binasının icarə haqqı üçün 8633,93 manat, ARƏMDKDRX Kadastr yer quruluşu tədqiqat mərkəzi üçün 817,00 manat ödəniş edilib.

8 Mart Beynəlxalq Qadınlar Günü münasibəti ilə Xırdalan bələdiyyəsinin üzvü və  qulluqçusu olan xanımlara bayram mükafatının verilməsinə 1200,00 manat, səhvən bələdiyyənin bank hesabına köçən pulun geri qaytarılması üçün 8663,57 manat, şəhərin prospekt və yolları üçün duz alışına 3675,40 manat, “Azərmətbuat” yayım ASC üçün 1504,08 manat, Qurban bayramı münasibəti ilə bələdiyyə üzvlərinə mükafatın verilməsinə 2100,00 manat, korporativ yeni il şənliyinin keçirilməsinə 4400 manat, Xırdalan bələdiyyəsində çalışan könüllərə səmərəli iş fəaliyyətinə görə mükafat 400,00 manat, sahibsiz ölülərin dəfni üçün 375,25 manat, “Vision” şirkətinə xidmət haqqı üçün 1416,00 manat ödənilib.

2025-ci il ərzində Xırdalan bələdiyyəsinə 1225 məktub və ərizə daxil olub. Onlardan 48 ərizə torpaq sahəsinin mövcudluğu, 470 ərizə dəfn xərcləri, 51 ərizə torpaq sənədləşməsi, 15 ərizə ağacın götürülməsi, 35 ərizə maddi yardım edilməsi, 18 ərizə yerquruluşu planından çıxarışın təsdiqi, 30 ərizə verginin qaytarılması və s. məsələ ilə bağlı olub. Qeyd olunan dövrdə həmçinin, Xırdalan bələdiyyəsinə müxtəlif qurumlardan da məktublar daxil olub.

Xırdalanın yerli özünüidarəetmə qurumu olaraq ölkə qanunvericiliyinin tələbləri çərçivəsində yerli sosial məsələlərin, şəhər sakinlərinin müraciətlərinin müsbət həlli, şəhərin abadlıq-quruculuq işlərində iştirakçılığının artırılması məqsədi ilə hazırda böyük enerji ilə çalışmaqda davam edirik. Xırdalan bələdiyyəsi 2026-cı ilə innovasiyaların tətbiqi, vətəndaş məmnunluğunun təmin olunması və sosial rifah hədəfi ilə başlayıb. İnanırıq ki, ölkəmizdə bələdiyyə institutunun fəaliyyət əsaslarının daha da gücləndirilməsi üçün atılacaq addımlar, dövlət qurumları, vətəndaş cəmiyyəti institutları və özəl sektorla səmərəli əməkdaşlıq nəticəsində 2026-cı ildə yerli məsələlərin həllində daha böyük paya sahib olacağıq.

Anar Abbasov

Xırdalan Bələdiyyəsinin sədri