Rəşad Babayev: “Vətəndaş məmnunluğunun təmin edilməsi hər bir bələdiyyədən sabit və dayanıqlı maliyyə vəsaiti tələb edir”
“Bu gün Keşlə bələdiyyəsində vətəndaş məmnunluğununun təmin edilməsi istiqamətində artıq bir ənənə formalaşıb. Bizim məqsədimiz bu ənənəni qorumaqla bələdiyyəni daha da inkişaf etdirmək və sakinlərin rəğbətini daha çox qazanmaqdır. Ona görə bələdiyyə tərəfindən atılan hər bir addım məhz bu məqsədə söykənir”- bu fikirləri Belediyye.infoya adıçəkilən bələdiyyənin sədri Rəşad Babayev deyib.
Sədr
qeyd edib ki, vətəndaş məmnunluğunun təmin edilməsi hər bir bələdiyyədən sabit
və dayanıqlı maliyyə vəsaiti tələb edir. Hazırda bələdiyyənin vergi xidmətinin
fəaliyyəti nəticəsində bələdiyyənin büdcə gəlirlərində 2023-cü illə müqayisədə 13.8 faizlik artım
müşahidə edilib. Belə ki, 2023-ci il üçün bələdiyyənin illik gəlirləri 241.220
manat olmuşdur ki, bu rəqəmin 63.624
manat torpaq vergisindən, 167.858 manatı əmlak vergisindən, 1.438 manatı icarə
haqqından, 8000 manatı dotasiyadan, 300 manatı isə digər gəlirlər daxil
olmuşdur. 2023-ci ilin yanvar ayının 1-nə
qalıq 29977 manat olmuşdur.
Ötən
il isə bələdiyyənin büdcə gəlirləri
aşağıdakı kimi olmuşdur:
Fiziki
şəxslərdən yığılan rüsumlar: torpaq vergisi 63.998 manat, əmlak vergisi 180.705
manat; icarə haqqı 5.424 manat, dövlət büdcəsindən dotasiya 23.000 manat
ümumilikdə mədaxil 274.627 manat olmuşdur. 01.01.2025-ci ilə qalıq – 9222 manat
olmuşdur.
Göründüyü
kimi, 7.6 faiz əmlak vergisində, 0.6 faizə yaxın isə torpaq vergisində artım
olub.
Sədr
bildirib ki, bu artımları qənaətbəxş hesab etmək olmaz. Odur ki, cari ildə büdcə
gəlirlərini artırmaq üçün vergi xidməti BAMS-ın verdiyi bütün imkanlardan
layiqincə istifadə etməyi planlaşdırıb. Cari ildə hədəfimiz büdcə gəlirlərini 400 min manata çatdırmaqdır. Bu gün hədəfə
doğru yorulmadan çalışırıq.
Belediyye.info
Rəylər
0 Rəy