“Bəcirəvan bələdiyyəsinin büdcə gəliri ötən il 22.000  manat olub. Məqsədimiz büdcə gəlirini artırmaqla sakinlərimizin qaldırdığı məsələlərin həllinə nail olmaqdır”-bu fikirləri Bərdə rayonu Bəcirəvan Bələdiyyəsinin sədri Rəfael Bəylərov bildirib.

Əldə olunan büdcə gəlirinin 15.000 manatı torpağın özgəninkiləşdirilməsindən, 2.000 manatı torpaq vergisindən, 3.000 manatı icarə haqqlarından və 2.000 manatı isə əmlak vergisindən daxil olub.  Bələdiyyə üçün ən çətin məsələ ərazidə ki əmlakən böyük bir qisminin sənədinin olmamasıdır.

Bələdiyyənin DSMF və digər qurumlara olan borcuna toxunan sədr qeyd edib ki, bələdiyyənin 2005-2015-ci illər arasında DSMF - yə 30.000 manata yaxın borcu olub. 

Sədrin bildirdiyinə görə, vəzifəyə seçiləndən sonra ilk məqsədi bələdiyyənin əvvəlki illərdə yığılıb qalmış borcun bağlamaq olub. Ciddi cəhddən sonra 2023-cü ildə 30.000 manatlıq borc bağlandı. Borcun bağlanmasında bələdiyyə üzvləriylə yanaşı, Bərdə RİH-nin başçısı Vidadi İsayevin də dəstəyi olub. Kəndin ərazisində keçirdiyi səyyar görüşlərdə sakinlərə yerli vergilərin ödəməsinin vacibliyi icra başçısı tərəfindən hər daim vurğulanmışdır. 

Bu gün əldə etdiyimiz maliyyə vəsaitiylə bir sıra layihələri, habelə şəhid və qazi ailələlərinə maddi və mənəvi dəstəyin göstərilməsini həyata keçirə bilmişik.

Bununla yanaşı əlavə maliyyə vəsaitinin cəlb edilməsi üçün borclu vergi ödəyicilərlə ciddi maarifləndirici söhbətlər aparsaq da, bəzən tərtib edilən aktları icra və probasiya orqanına göndərmək məcburiyyətində qalırıq. İcra və probasiya orqanına müraciətin səmərəsi böyük olub. Belə ki, əldə etdiymiz maliyyə vəsaitinin 5.000 manatı məhz bu istiqamətdən daxil olub. 

 Atdığımız addımlardan biri də Ədliyyə Nazirliyinin Bərdə regional idarəsinin tövsiyəsinə uyğun icarə müqavilələrinin bazar qiymətlərinə uyğunlaşdırılması olub. Bu addımda səmərə verib.

Sonda bələdiyyə sədri maraqlı fikriylə diqqəti çəkdi:

-Vergilərin ödənilməsi üçün dəfələrlə belə bir  təkliflə çıxış etmişəm.  Belə ki, borcu olan şəxs torpağın və ya əmlakını satır bələdiyyənin bu barədə məlumatı olmur. Alqı-satqı zamanı notariuslar borcu olub-olmadığı haqda vətəndaşdan hər hansı formada arayış tələb edərsə, bələdiyyəyə olan borclar da bağlanar və büdcəyə əlavə vəsait daxil olar. Necə ola bilər ki, avtomobil alqı-satqısı zamanı avtomobilin hara borcu var sistemdə  yoxlanılır, ancaq əmlakın  alqı-satqısı zamanı bu proses icra edilmir. 

Bələdiyyə-icra münasibətlərinə toxunan sədr bildirib ki, Bərdə rayonunda RİH tərəfindən bələdiyyələrə hər zaman dəstək göstərilir. 

Xatırladaq ki, R.Bəylərov 2014- 2019-cu illərdə bələdiyyə seçkilərinə qatılaraq bələdiyyə üzvü, 2015-ci lin yanvarından isə bələdiyyə sədri vəzifəsinə seçilmişdir.

Belediyye.info