“Bələdiyyələrin fəaliyyətinin təbliği” İctimai Birliyi Azərbaycan Respublikası QHT-lərə Dövlət Dəstəyi Agentliyinin maliyyə dəstəyi ilə “Müasir innovasiyaların tətbiqi ilə bələdiyyələrin fəaliyyətinin təkmilləşdirilməsi” mövzusunda həyata keçirdiyi  layihə çərçivəsində "Azərbaycan bələdiyyəsi 25 il: faktlar və rəqəmlər" və “Qax rayon bələdiyyələri: faktlar və rəqəmlər” kitabları işıq üzü görüb.

Birinci kitaba 25 il ərzində təcrübəsi yayıla biləcək 25 bələdiyyənin fəaliyyətini özündə əks etdirən məlumatlar daxil edilib. Bununla yanaşı belediyye.info saytında gedən bəzi maraq doğuran məlumatlar da kitaba daxil edilib.

Kitabın məsləhətçisi Azərbaycan Şəhər Bələdiyyələrinin Milli Assosiasiyasının və Nərimanov bələdiyyəsinin sədri Təmraz Tağıyevdir.

Xatırladaq ki, hazırda ölkəmizdə 1606 bələdiyyə formalaşdırılıb.

İkinci “Qax rayon bələdiyyələri: faktlar və rəqəmlər” kitabına adıçəkilən bələdiyyənin fəaliyyətiylə bağlı diqqətiçəkən faktlar və rəqəmlər daxil edilib.

Bununla yanaşı “Bələdiyyələrin fəaliyyətinin təbliği” İctimai Birliyi Azərbaycan Respublikası QHT-lərə Dövlət Dəstəyi Agentliyinin maliyyə dəstəyi ilə “Müasir innovasiyaların tətbiqi ilə bələdiyyələrin fəaliyyətinin təkmilləşdirilməsi” mövzusunda keçirilən layihə çərçivəsində Qax, İlisu, Qaxbaş, Güllük, Ləkit, Tasmalı və Almalı bələdiyyələrində  bələdiyyələrin üzv və qulluqçularının iştirakı ilə  keçirilən görüşlər barəsində ətraflı məlumatlar  da daxil edilib.

Kitaba həmçinin, həm də 15 illik təcrübəsi olan “Bələdiyyələrin fəaliyyətinin təbliği” İctimai Birliyinin fəaliyyəti haqqında məlumat həm Azərbaycan, həm də ingilis dilində daxil edilib.

Qeyd edək ki, layihənin ideya müəllifi və rəhbəri Vüqar Cəfərov, redaktoru Bəxtiyar Məmmədli, layihənin iştirakçısı Asəf Mikayılovdur. İkinci kitabın məsləhətçisi Qax bələdiyyəsinin sədri Eyvaz Orucov və İlisu bələdiyyəsinin sədri Elman Xəlilovdur.

https://www.bizimyol.info/az/news/507014.html