Belediyye.info 2015-ci ilin may ayının 25-i tarixindən fəaliyyətdədir.

21-02-2024 , 10:11

Son xəbərlər

Bütün xəbərlər

Ən çox oxunanlar

Bu gün Bu həftə Bu ay
Gündəlik Xəbərlər
- +

Vüqar Tofiqli: “Qəbirstanlıq təhvil verilirsə, ərazidə olan digər tikililər, o cümlədən  məzar daşı sexləri, ziyarətgahlar bələdiyyələrə təhvil verilməli idi, ancaq...”

2018-ci ildə Azərbaycanda qəbiristanlıqların bələdiyyələrə verilməsi ilə bağlı qərar qəbul olunub. Ancaq qəbiristanlıqların hamısı bu müddət ərzində bələdiyyələrə verilməyib. 

Ədliyyə nazirinin müavini Vilayət Zahirov Milli Məclisdə Regional məsələlər komitəsinin iclasında çıxış edərkən bildirib ki, Azərbaycanda 4 204 qəbiristanlıq var ki, onların da 3 268-i bələdiyyələrə təhvil verilib. 

Nazir müavini bildirib ki, 900-dən artıq qəbiristanlıq isə hələ təhvil verilməyib: “Bunun da təxminən bir neçə səbəbi var. Əsas səbəb də xəritələrin tam dəqiq olmamasıdır. Ona görə də bu işi başa çatdırmaq düzgün deyil. Bundan başqa, orada əmlakların bəzilərinin mülkiyyət sənədləri yoxdur. Bu günə kimi də alınmayıb. Ona görə də belə çətinliklər bu gün var. Tək-tük rayon icra hakimiyyətləri var ki, orada komissiyalar yaradılsa da, təhvil-təslim işləri bir az dayanıb. Bu işlər diqqət və nəzarətdədir”.

Maraqlıdır, bələdiyyələrin digər qəbiristanlıqları təhvil almasına nə mane olur?

“Bələdiyyəyə verilməyən qəbiristanlıqlar bugünə kimi heç bir qurumun balansında olmayıb, bu da məlum prosesin icrasına mənfi təsir edir” 

“Bələdiyyələrin fəaliyyətinin təbliği” İctimai Birliyin sədri Vüqar Tofiqli “Bakı-Xəbər”ə açıqlamasında bildirdi ki, 3268 qəbiristanlıq tam şəkildə bələdiyyələrə verilməyib: “Qəbiristanlıqda olan obyektlərin hər biri bələdiyyənin mülkiyyətinə salınmalı idi. Qəbiristanlıq və qəbiristanlığın ərazisində olan ziyarətgah, ritualların icrası ilə bağlı mövcud olan qurğular və digər obyektlər bələdiyyəyə verilməli idi. Qəbirstanlıq ərazisində yerləşən məzar daşı sexləri hansı səbəbdən   Əhaliyə Vətəndaşlıq Xidməti Trestinin istehsalat sahələri hesab olunmalıdır? Qəbirstanlıq təhvil verilirsə, ərazidə olan digər tikililər, o cümlədən  məzar daşı sexləri, həmçinin ziyarətgahlar  bələdiyyələrə təhvil verilməli idi. Ancaq belə olmayıb”.

Həmsöhbətimiz onu da əlavə etdi ki, Bakı şəhərində olan bir sıra qəbiristanlıqlar hələ də bələdiyyənin mülkiyyətinə verilməyib: “Qaradağ rayonu ərazisinə düşən ümumşəhər  “Qurd qapısı”,  Zabrat, Keşlə, Əhmədli və Badamdar qəbirstanlıqlarının  təhvil verilməsi ləngiyir. Onu da deyim ki, bələdiyyəyə verilməyən qəbiristanlıqlar bugünə kimi heç bir qurumun balansında olmayıb. Bu da məlum prosesin icrasına mənfi təsir edir”.

Günel CƏLİLOVA

https://baki-xeber.com/6235-mine-yaxin-mezarliq-belediyye-nezaretinden-kenarda-qalib.html

Rəylər

0 Rəy


Rəy yaz

Oxşar xəbərlər

Şirvan Bələdiyyəsində tədbir keçirildi

Gündəlik Xəbərlər
03-04-2024

Bilgəh bələdiyyəsinə yeni sədr seçilib

Gündəlik Xəbərlər
02-04-2024

Solovyov erməni milyonçuların puluna satılıb

Gündəlik Xəbərlər
27-03-2024