Belediyye.info 2015-ci ilin may ayının 25-i tarixindən fəaliyyətdədir.

26-10-2023 , 20:12

Ən çox oxunanlar

Bu gün Bu həftə Bu ay
Gündəlik Xəbərlər
- +

Hümbət Hüseynov beynəlxalq konqresdə növbəti dəfə çıxış edib 

Strasburgda Avropa Şurası Yerli və Regional Hakimiyyətlər Konqresinin 45-ci sessiyası çərçivəsində "Yerli və regional media: demokratiyanın gözətçiləri, icma birliyinin keşikçiləri" mövzusunda maraqlı müzakirələr aparılıb.

Muzakirələrə qoşulan Azərbaycan Qəsəbə Bələdiyyələrinin Milli Assosiasiyasının və M.Ə.Rəsulzadə bələdiyyəsinin sədri Hümbət Hüseynovun çıxışının mətni sizə təqdim edirik:

Hörmətli sədarət!

Hörmətli həmkarlar!

Hamımız bilirik ki, mediada formalaşan vəziyyət həm də vətəndaşların iştirakı məsələsi ilə sıx bağlıdır. Ona görə də media demokratik cəmiyyətdə vətəndaşların ictimai işlərdə iştirakında onların əhval-ruhiyyəsini, fəallığını çatdırmaqda mühüm rol oynayır.

Artıq qeyd edildiyi kimi, son illər media sahəsində istər texnologiya sahəsində, istər  vətəndaş jurnalistikası, istər də yerli media və digər istiqamətlərdə bir sıra dəyişikliklər baş verib. Bu yeniliklər demokratik vətəndaşlıq və informasiyanın yaradılması və yayılmasında istifadəçilərin iştirakı üçün yeni imkanlar yaratmışdır.

Təbii ki, ənənəvi və yeni media arasındakı əlaqə bütün media iştirakçılarının müvafiq səviyyədə müdafiəsini təmin edəcək siyasət çərçivəsini yaratmaq və saxlamaq üçün hökumətin bütün səviyyələrində mövcud media siyasətlərinə yenidən baxılmasını tələb edir. Buna görə də Avropada media azadlığı və jurnalistlərin təhlükəsizliyi sahəsində ümumi vəziyyət həqiqətən vacibdir. Bundan əlavə, yerli və regional səviyyədə jurnalistlərin və jurnalistikanın təhlükəsizliyini və müdafiəsini təmin edən mexanizmlərin yaradılması və ya media azadlığının mümkün pozuntularının dərhal araşdırılması və ya qarşısının alınması öz aktuallığını itirmir. Eyni zamanda  regional medianın fəaliyyətinin təkmilləşdirilməsi və müvafiq qabaqcıl təcrübənin regional hakimiyyət orqanları arasında yayılması üçün şəraitin təmin edilməsi ilə bağlı milli və Avropa assosiasiyalarının dəstəyi də bu məsələdə mühüm əhəmiyyət kəsb edir.

Diqqətiniz üçün təşəkkür edirəm!

Rəylər

0 Rəy


Rəy yaz

Oxşar xəbərlər

Bələdiyyə daha bir layihəyə yekun vurub

Gündəlik Xəbərlər
29-01-2024