14-07-2023 , 21:47
5715
Gərəkli olmağı bacaran insan
21-06-2025
Yüklənir...
Ağsu rayonu Gəgəli bələdiyyəsi
04-09-2023
Gəncə şəhəri Nizami bələdiyyəsi
08-04-2023
07-04-2023
07-04-2023
06-04-2023
06-04-2023
06-04-2023
06-05-2025
16:27
18-11-2024
21:35
25-10-2024
22:08
17-10-2024
09:05
+
Ədliyyə işçiləri Heydər Əliyev Mərkəzini ziyarət ediblər
Azərbaycan tarixinin bütöv bir dövrü bu il 100 illiyini qeyd etdiyimiz ümummilli lider Heydər Əliyevin adı ilə bağlıdır. 1969-cu ilin 14 iyulundan başlayan Heydər Əliyev yolu Azərbaycanın ildən-ilə güclənərək hərtərəfli inkişafını təmin edir.
Ümummilli Liderin Azərbaycanda siyasi hakimiyyətə gəlişi xalqımızın taleyində oynadığı misilsiz rolu ilə daim ehtiramla xatırlanır, dahi rəhbərin bütün dövrlərdə doğma Vətəninə sədaqətlə xidmətləri dərin minnətdarlıqla qeyd olunur, zəngin irsinə nəzər salınır.
Bu münasibətlə ədliyyə naziri Fikrət Məmmədov və nazirliyin məsul işçiləri Heydər Əliyev Mərkəzini ziyarət ediblər.
Ümummilli Liderin dövlətçilik fəlsəfəsinin və çoxşaxəli irsinin dərindən öyrənilməsini və tədqiqini təşviq edən Mərkəzdə fəaliyyət göstərən Heydər Əliyev Muzeyində ədliyyə işçiləri Ulu Öndərin həm sovet dövründə, həm də ölkəmizin müstəqilliyi illərində fəaliyyəti ilə bağlı nadir eksponatlarla tanış olub, sənədli film izləyiblər.
Dahi rəhbərin 100 illiyi münasibətilə Mərkəzdə təşkil edilmiş “Heydər Əliyev – 100” instalyasiyası ilə tanışlıq ədliyyə işçiləri tərəfindən böyük maraqla qarşılanıb. Nazirliyin kollektivi Heydər Əliyev Mərkəzindən zəngin və yaddaqalan təəssüratla ayrılıb.
Ədliyyə naziri həmçinin, təyinat alan bir qrup işçilərlə görüş keçirərək Ulu Öndərin mənalı ömür yolundan, dövlətimiz və xalqımız qarşısında misilsiz xidmətlərindən danışıb. Qeyd edib ki, Ulu Öndərin indiki və gələcək nəsillərə əmanəti olan müstəqil Azərbaycan bu gün Prezident, Müzəffər Ali Baş Komandan cənab İlham Əliyevin rəhbərliyi ilə özünün ən qüdrətli dövrünü yaşayır.
Əlamətdar tarixi gün münasibətilə Ulu Öndərin 100 illiyi ilə əlaqədar keçirilən idman yarışlarının qaliblərinə müvafiq təltiflər təqdim olunub, nazirlikdə Ümummilli Liderin mənalı ömür yoluna və titanik fəaliyyətinə həsr olunan foto slaydlar nümayiş etdirilib.
Ədliyyə Nazirliyi Mətbuat xidmətinin məlumatı
Rəylər
0 Rəy