Bərdə regional ədliyyə idarəsi ağacəkmə aksiyası keçirib
Ədliyyə Nazirliyinin Mətbuat xidmətinin yaydığı məlumata görə, Ulu Öndər Heydər Əliyevin 100 illik yubileyi münasibəti ilə Bərdə regional ədliyyə idarəsinin təşkilatçılığı ilə yerli ədliyyə qurumlarının kollektivinin iştirakı ilə ağacəkmə aksiyası keçirilib. Aksiyada ədliyyə qulluqçuları və könüllülər iştirak edib.
Aksiya zamanı ərazidə yeni “Eldar şamı” və küknar ağac əkilərək ağaclara aqrotexniki qulluq göstərib və təmizlik işləri aparılıb. Bərdə-Yevlax magistral yolun kənarında keçirilən ağacəkmə aksiyasında 100-dən artıq ağac əkilib.