Gəncə Şəhər Nizami Bələdiyyəsi şəhid və qazi övladları üçün bayram şənliyi təşkil edilib
Gəncə Şəhər Nizami Bələdiyyəsi tərəfindən Dünya Azərbaycanlılarının Həmrəylik Günü və Yeni ilin gəlişi münasibətilə şəhid və qazi övladları üçün bayram şənliyi təşkil edilib.
Tədbirdə çıxış edən bələdiyyənin sədri Qoşqar Məmmədov 44 günlük Vətən müharibəsində Prezident, Ali Baş Komandan İlham Əliyevin rəhbərliyi ilə şanlı Ordumuzun əldə etdiyi Zəfərin xalqımıza yaşatdığı əvəzsiz sevinc və qürur hissindən, şəhidlərimizin və qazilərimizin qəhrəmanlıqlarından söz açıb, şəhid ailələrinin və qazilərin hər zaman diqqətdə saxlanıldığını və onların hərtərəfli dövlət qayğısı ilə əhatə olunduqlarını vurğulayıb.
Bayram şənliyində uşaqlar üçün əyləncəli oyunlar təşkil edilib, Yeni ilin rəmzi olan Şaxta baba onlara bələdiyyənin hazırladığı hədiyyələri paylayıb.
Gəncə Şəhər Nizami Bələdiyyəsi
Rəylər
0 Rəy