"Tofiqli, İcmanın sabah keçirilən tədbirində  iştirak etməyi unutma"- telefonda danışarkən bu fikirləri hörmətli Təmraz Tağıyevdən eşidəndə təəcüblənmədim və dərhalda gələcəyimi söylədim.  Görüş haqqında müəyyən məlumatım var idi və  Təmraz Tağıyevin həm də kreativ ideyaların müəllifi olaraq tanıdığımdan görüşün maraqlı keçəcəyinə inanırdım. 

Düşündüyüm kimi də oldu. Eyni vaxtda bir sinifdə oxuduqları sinif yoldaşları ilə görüşün keçirilməsi  Təmraz Tağıyevin ideyası idi. Sonradan öyrəndim ki, görüş barəsində sinif yoldaşları ilə birgə müzakirədən sonra, 28 may tarixinin seçilməsi də təsadüfü deyildi.  Bu həm müstəqillik günü kimi qeyd edilsə də, 1977- ci ili may ayının 28 onuncu sinfi bitirənlərin  Hamamlı məktəbindən ayrıldıqları  gün kimi yaddaslarda  qalmışdı. Məhz bundan sonra şagirdlərin  orta məktəb imtahanlarına hazırlığı başlamışdı. 

Hər bir sinif yoldaşını özü qarşılayıb yerbəyer edir, hətta Moskvadan 48 il əvvəl ayrıldıqları sinif yoldaşlarını dəvət etmişdilər. O xanımın işitakı isə sinif yoldaşları arasında ayrı bir abu hava yaratmış oldu.  Onu da əlavə edim ki, sinif yoldaşlarının hər birini bu il 65 yaşı ya tamam olmuşdu, ya da tamam olacaqdı.

Təmraz Tağıyevin kreativ ideyalarından biri də 1977-ci ildə hazırlanan "vinetka"nın yenilənmiş formada hazırlanması idi. Yəni 1977 -ci il də hazırlanan "vinetka"da olanların hər birinin indiki şəkilləri, hətta məktəb müəllimlərinin şəkilləri olmaqla hər bir görüş iştirkaçısına paylanılması idi. Təəssüf ki, sinif yoldaşlarının arasında dünyaları dəyişənlərdə var idi.

***

Beləliklə, Qərbi Azərbaycan İcması Nərimanov təşkilatının sədri Təmraz Tağıyevin təşəbbüsü ilə çox maraqlı bir görüş keçirildi. Görüşdə Qərbi Azərbaycan İcmasının rəhbəri, MM üzvü Əziz Ələkbərli və MM üzvü Hikmət Məmmədov, İcmanın ağsaqqalları Misir Mərdanov, Abel Məhərrəmov, Əvəz Ələkbərov və digər ziyalılar çıxış edərək 28 May Müstəqillik günü münasibətilə iştirakçıları təbrik edərək, bu cür görüşlərin təşkilinin ənənələrin yaşadılmasında və gənc nəslə ötürülməsində mühüm əhəmiyyət kəsb etdiyini qeyd etdilər. Çıxış edən natiqlərin hər biri dünən Laçın şəhərində üç dövlət başçısının görüşündən danışaraq ölkə başçısının yürütdüyü siyasəti dəstəklədiklərini, tezliklə ölkə başçısının rəhbərliyi ilə doğma torpaqlara qayıdacaqlarına inandıqlarını bildiriblər.

Tədbir bədii hiss ilə başa çadı. 

Təşkilatçılara, xüsusəndə icmanın Nərimanov  rayon təşkilatının rəhbəri Təmraz Tağıyevə  tədbiri yüksək səviyyədə  təşkil etməklə yanaşı, həmdə bir səmimi mühit yaratdığına görə təşəkkür edirəm.

Vüqar Tofiqli