Belediyye.info 2015-ci ilin may ayının 25-i tarixindən fəaliyyətdədir.

27-01-2025 , 20:31

1290

Ən çox oxunanlar

Bu gün Bu həftə Bu ay
Bakı
- +

Birləşdirməyə düşən bələdiyyə hesabatını təqdim edir 

Xəzər rayonu  Şağan Bələdiyyəsinin ünvanına  2024-cü  il ərzində müxtəlif  dövlət orqanları, qurumlar, təşkilatlar, vətəndaşlar  tərəfindən  ümumilikdə 134  məktub daxil olmuşdur. 

Şağan Bələdiyyəsi adından 2024-cü ildə müxtəlif dövlət orqanları, qurumlar, təşkilatlar, vətəndaşlara  ümumilikdə  221  ədəd  məktub göndərilmişdir.

2024-cü il ərzində  vətəndaşlar tərəfindən Şağan Bələdiyyəsinə 160 ədəd  (müxtəlif mövzulu: bələdiyyədə vergi ödəyicisi kimi qeydiyyata alınma, müvafiq orqanlara arayış təqdim etmə, şikayət), bələdiyyə qulluqçuları tərəfindən isə 12 ədəd ( məzuniyyət, işə daxil olma, işdən azad olma ilə bağlı ) ərizə daxil olmuşdur.  Ərizələr əsasında edilən müxtəlif səpkili müraciətlərə vaxtında “Vətəndaşların müraciətlərinə baxılması qaydası haqqında Azərbaycan   Respublikası Qanununa müvafiq olaraq, müəyyən edilmiş qaydada, səlahiyyətlərimiz çərçivəsində baxılaraq lazımı tədbirlər görülmüşdür.

Qəsəbə sakinləri tərəfindən edilmiş müraciətlər əsasında vətəndaşlara 33 ədəd  arayış verilmişdir.

2024-cü il ərzində Şağan Bələdiyyəsində 45 ədəd inzibati akt tərtib edilmişdir.       

2024-cü ildə bələdiyyə rəhbərliyi tərəfindən   34  ədəd daxili əmr imzalanmışdır.

Şağan  Bələdiyyəsində  bələdiyyə   üzvlərinin  2024-cü  il  ərzində  32 iclası keçirilib. Keçirilən  iclaslarda  müzakirəyə   bir  sıra  məsələlər  çıxarılıb və müzakirə mövzusu olan məsələlər barədə fikir mübadiləsi edilərək, təkliflər irəli sürülüb, qərarlar qəbul edilmişdir. Bələdiyyə tərəfindən bələdiyyə üzvlərinin qəbul etdiyi  müvafiq qərarlar qanunauyğun olaraq,  inzibati nəzarət qaydasında baxılması üçün Azərbaycan Respublikasının Ədliyyə Nazirliyi Bələdiyyələrlə iş  baş idarəsinə  göndərilmişdir. Bələdiyyələrlə iş baş idarəsi tərəfindən göndərilən  tövsiyə məktubları  və metodik vəsaitlər bələdiyyənin işinin təşkilində  nəzərə alınmışdır. Bələdiyyə qulluqçuları və bələdiyyə üzvləri Bələdiyyələrlə iş baş idarəsinin əməkdaşları tərəfindən keçirilən maarifləndirici seminar-müşavirələrdə iştirak edərək fəaliyyətlərində əhəmiyyətli olan biliklərə yiyələnmişlər.

Şağan Bələdiyyəsi tərəfindən  44 günlük  II Qarabağ müharibəsində həyatını itirmiş  şəhidlərimizin dəfn olunduqları ərazidə 2023-cü ildə başlanılan abadlıq işləri 2024-cü ildə davam etdirilmişdir. Şəhid abidələrinin qarşı hissəsində gediş-gəlişin rahatlaşdırılması məqsədi ilə meydança yaradılmış, meydançanın ətraf ərazidən ayrılması üçün kənarlardan səki daşları düzülmüşdür. Şəhid abidələrinin qarşısındakı meydançada asfalt-beton örtüyünün salınması məqsədi ilə Azərbaycan Avtomobil Yolları Dövlət Agentliyi “Bakı 8 №li Yol İstismarı” MMC arasında  müqavilə bağlanılmış və görülən işin müqabilində Şağan Bələdiyyəsinin büdcəsindən Azərbaycan Avtomobil Yolları Dövlət Agentliyi “Bakı 8 №li Yol İstismarı” MMC-nin Hesablaşma hesabına elektron qaimə əsasında 1652 manat məbləğində maliyyə vəsaiti ödənilmişdir.

Azərbaycan Avtomobil Yolları Dövlət Agentliyi “Bakı 8 №li Yol İstismarı” MMC və Şağan Bələdiyyəsi arasında bağlanılan növbəti müqavilə əsasında I Qarabağ şəhidi Gözəlov Füzuli Vasib oğlunun ailəsinin yaşadığı  Şağan qəsəbəsi, Qazmaçılar küçəsi,  ev 40 ünvanında yerləşən dalanın asfalt-beton örtüyü təmir edilmişdir. Görülən işin müqabiləndə  Azərbaycan Avtomobil Yolları Dövlət Agentliyi “Bakı 8 №li Yol İstismarı” MMC-nin Hesablaşma hesabına 3422 manat məbləğində maliyyə vəsaiti ödənilmişdir.

Novruz bayramı münasibəti ilə keçirilmiş tədbirlərdə lazım olan ləvazimatların (baner çap, montaj, yelkən bayraq) hazırlanmasına görə “Yağmur Reklam” MMC və Şağan Bələdiyyəsi arasında müqavilə bağlanılmış, görülən işin müqabilində həmin şirkətin Hesablaşma hesabına 545 manat 16 qəpik məbləğində maliyyə vəsaiti ödənilmişdir.

Şağan Bələdiyyəsinin fəaliyyətə başladığı gündən Azərbaycan Respublikası Milli Arxiv İdarəsində fondunun olmadığını nəzərə alaraq bələdiyyədə mövcud olan sənədlərin təhvil verilməsi məqdədi ilə Azərbaycan Respublikası Milli Arxiv İdarəsi yanında İdarə Sənədlərini Qaydaya Salan Mərkəz arasında müqavilə bağlanılmışdır. Bağlanılan müqavilə əsasında Şağan Bələdiyyəsinin fəaliyyətə başladığı müddətdən 2016-ci ili əhatə edən dövrə qədər olan sənədlər təhvil verilmiş və Azərbaycan Respublikası Milli Arxiv İdarəsində bələdiyyənin fondu yaradılmışdır. Görülən işin müqabilində Şağan Bələdiyyəsinin büdcəsindən Azərbaycan Respublikası Milli Arxiv İdarəsi yanında İdarə Sənədlərini Qaydaya Salan Mərkəzin Hesablaşma hesabına elektron qaiməyə əsasən 595 manat 30 qəpik məbləğində maliyyə vəsaiti ayrılmışdır.

Şağan Bələdiyyəsində istifadə olunan dəftərxana ləvazimatlarının alınması, sifariş edilməsi üçün Şağan Bələdiyyəsi ilə “İNCİ GROUP OF COMPNİES” QSC-i və  “Tərəqqi” MMC arasında müqavilə bağlanılmışdır. Alınmış dəftərxana ləvazimatları üçün Şağan Bələdiyyəsinin büdcəsindən elekron qaimə əsasında “İNCİ GROUP OF COMPNİES” QSC-nin Hesablaşma hesabına 103 manat 60 qəpik, “Tərəqqi” MMC-nin Hesablaşma hesabına 84 manat 96 qəpik məbləğində maliyyə vəsaiti ödənilmişdir.

“Təmiz ətraf mühit və yaşıl artım ölkəsi”   Azərbaycan Respublikasının  2030-cu ilə qədər sosial-iqtisadi inkişafa dair beş milli prioritetindən biridir. Dövlətimizin ekoloji siyasətinin əsas istiqamətini  ekoloji təhlükəsizliyin təmin olunması, ətraf mühitin çirklənməsinin qarşısının alınması, təbii sərvətlərdən səmərəli istifadə, alternativ enerji mənbələrindən yararlanma, sağlam ətraf mühitdə yaşamaq prinsipi təşkil edir. Azərbaycan Respublikasının Prezidenti cənab İlham Əliyev  25 dekabr  2023-cü il tarixində imzaladığı Sərancam ilə   2024-cü ili  ölkəmizdə  “Yaşıl dünya naminə həmrəylik ili” elan edilmişdir. Bu Sərəncamdan irəli gələrək Şağan Bələdiyyəsi tərəfindən Şağan qəsəbəsinin girişində yol kənarında yerləşən yaşıllıq zolağında ağac, dekorativ gül və kolların əkilməsi məqsədi ilə “AZ GRAFT CONSTRUCTİON” MMC  arasında müqavilə bağlanmış və görülən işin müqabilində həmin şirkətin Hesablaşma hesabına 1839 manat 38 qəpik məbləğində maliyyə vəsaiti köçürülmüşdür.

Şağan bələdiyyəsində Maliyyə Hesabatlarının Audit xidmətlərinin göstərilməsi məqsədi ilə “T.A.T  GLOBAL  AUDİT”  MMC ilə müqavilə bağlanılmışdır.  Auditor   xidməti  müqabilində 2021-2022-ci illər  üzrə  1770 manat; 2023-cü il üzrə göstərilən  xidmət haqqına görə  1652 manat məbləğində maliyyə vəsaiti  “T.A.T GLOBAL AUDİT” MMC-nin Hesablaşma hesabına elektron qaimə əsasında ödənilmişdir.

Şağan qəsəbəsi ərazisində abadlıq işləri çərçivəsində mövcud məişət tullantıları məntəqələrində əlavə konteynerlərin yerləşdirilməsi üçün genişləndirmə və bərpa işlərinin aparılması məqsədi ilə Şağan bələdiyyəsi və fiziki şəxs Məmmədbəyli Həbib Taleh oğlu arasında  müqavilə bağlanılmış və görülən işin müqabilində  elektron qaimə əsasında  Şağan bələdiyyəsinin büdcəsindən 1108 manat məbləğində maliyyə vəsaiti köçürülmüşdür.

Şağan bələdiyyəsinin inzibati binasında elektrik xətlərinin yenilənməsi, giriş qapısının yenisi ilə əvəz edilərək yerinin dəyişdirilməsi, yeni qoyulan qapının çöl hissəsində səkinin tikilməsi, tamet daşlarla örtülməsi və Bakı Mərdəkan avtomagistralının kənarında “Şağan” sözünün təmir bərpa işlərinin görülməsi məqsədi ilə “Azeri Trading Enterprise” MMC arasında müqavilə bağlanılmışdır. Görülən abadlıq işlərinin müqabilində Şağan bələdiyyəsinin büdcəsindən “Azeri Trading Enterprise” MMC-nin  Hesablaşma hesabına 4865 manat 50 qəpik məbləğində maliyyə vəsaiti köçürülmüşdür.

Şağan  Bələdiyyəsinin inzibati binasına zəruri ləvazimatın: zebra jalüz pərdə alınması məqsədi ilə “JP GROUP” MMC arasınada müqavilə bağlanılmışdır.

Şağan Bələdiyyəsinin büdcəsindən “JP GROUP” MMC-nin Hesablaşma hesabına sifarişin müqabilində  elektron qaimə əsasında 668 manat məbləğində maliyyə vəsaiti köçürülmüşdür.

Şağan qəsəbəsi ərazisində mövcud olan bir çox küçələrdə  küçə adlarının olmaması və bununla əlaqədar sakinlər tərəfindən bələdiyyə edilən şifahi müraciətləri nəzərə alaraq sifariş üçün “Yağmur  Reklam” MMC ilə Şağan Bələdiyyəsi arasında bağlanılmış müqaviləyə əsasən  elektron qaimə əsasında 265 manat  50 qəpik məbləğində maliyyə vəsaiti ödənilmişdir.

Qəsəbə ərazisində yaşıllıqların artırılması, bələdiyyənin inzibati binasında qış mövsümündə dayanıqlı istilik sisteminin təmin olunmasının təşkil edilməsi, bələdiyyə binasının daxili və xraici fasad hissələrində cari təmir işlərinin aparılması məqsədi ilə növbəti dəfə “Azeri Trading Enterprise” MMC arasında müqavilə bağlanılmışdır. Görüləcək işin müqabilində Şağan bələdiyyəsinin büdcəsindən “Azeri Trading Enterprise”  MMC-nin Hesablaşma hesabına 3806 manat 92 qəpik məbləğində maliyyə vəsaiti köçürülmüşdür.

Şağan Bələdiyyəsinin  2024- cü  il  üzrə gəlirləri.

 Yerli büdcənin gəlirləri 69462 manat;

 1.Vergilərdən daxilolmalar

    o cümlədən: 63462 manat;

   Fiziki şəxslərdən torpaq vergisi 10711 manat;

   Fiziki şəxslərdən əmlak vergisi 52751 manat;

 2. Vergi olmayan gəlirlər

   o cümlədən: 6000 manat;

  Azərbaycan Respublikasının dövlət büdcəsindən verilən vəsait  6000 manat;

  o cümlədən: dotasiya 6000 manat;

 Şağan Bələdiyyəsinin  2024- cü  il  üzrə xərcləri.

Şağan Bələdiyyəsinin 2024-cü il ərzində büdcə  xərcləri  ümumilikdə 71111 manat təşkil etmişdir.

1.   Yerli özünüidarəetmə orqnlarının saxlama xərcləri  49406 manat;

o cümlədən:

Əməyin ödənişi 38609 manat;

 -  Əməkhaqqına 28845 manat;

 -  Əməkhaqqına üstəlik  (məcburi dövlət sosial sığorta, işsizlikdən sığorta,

    icbari tibbi sığorta haqları) 9764 manat;

   Malların alınması və xidmətlərin haqqının ödənilməsi 10797 manat;

   Təsərrüfat məqsədləri üçün malların, invertar və avadanlıqların dəftərxana

   ləvazimatı, yanacaq sürtkü materiallarının alınması 7234 manat;

    Kommunal və kommunikasiya xidmətlərinin ödənilməsi 3563 manat;

2.   Yerli sosial müdafiə və təminat,  sosial inkşaf proqramlarının   

maliyələşdirilməsi  üçün xərclər 21705 manat;

Sosial yardımlar 3448 manat;

Abadlaşdırma 18257 manat;

      Büdcə ilin sonuna qalıq vəsaitin məbləği 1924 manat olmuşdur.

Şağan Bələdiyyəsinin büdcəsindən Quliyev İsmayıl Hüseyn oğluna, Məmmədova İradə Asim qızına, Cəlalov Ramil Rəşid oğluna, Dadaşzadə Etiram Bəxtiyar oğluna, Abdullayev Zakir Zahid oğluna, Adıgözəlov İlyas Mehdiqulu oğluna, Pənahov Rəşad Bilal oğluna, Nuriyev Alxas Nəzir oğluna, Cəlalova Rühəngiz Eldar qızına, Qafarova Şəlalə Fazil qızına, Məmmədov İlkin Cəfər oğluna, Abdullayev Zahid Zakir oğluna, Cəlalova Bilqeis Əfraz qızına, Dadaşov Bəxtiyar  Dadaş oğluna, Məmmədbəyova Güldanə Fəxrəddin qızına,  Zülfüqarova Zeynəb Rəhim qızına, Rəhimov Niyaz Arif oğluna, Əliyev Etibar Mirzə oğluna, Abdullayev Şirbala  Beydulla oğluna, Əliyev Məmməd Rövşən oğluna  bələdiyyəyə etdikləri müraciət əsasında maddi yardım göstərilmişdir.

Sevinc Atayeva 

Xəzər rayonu Şağan bələdiyyəsinin sədri 

 

 

 

 

 

Rəylər

0 Rəy


Rəy yaz

Oxşar xəbərlər

Hümbət Hüseynov sədr seçilib

Bakı
18-02-2025
180

Əgər seçilərəmsə....


Bakı
21-01-2025
954