Təzəxan Məmmədov: " Şəhid və qazi ailəsinin üzvlərinə qayğı göstərmək hər birimizin vətəndaşlıq borcudur"
"Dünya Azərbaycanlılarının Həmrəylik günü ərəfəsində Səbail rayon Badamdar bələdiyyəsində şəhid, qazi və aztəminatlı ailənin üzvləri ilə görüş keçirilib" - bu fikriləri adıçəkilən bələdiyyənin sədri Təzəxan Məmmədov bildirib.
Sədr qeyd edib ki, görüşdə iştirak edən 30 şəhid, qazi və aztəminatlı ailənin üzvünə bayram sovqatı təqdim edilib, onların qayğıları ilə maraqlanıblar.
Görüşlərdə şəhidlərin əziz xatirəsi ehtiramla yad edilib, barələrində xoş təəssüratlar danışılıb, qazilərə Allahdan şəfalar diləyiblər. Qeyd olunub ki, şəhidlərimizin xatirəsi bizim üçün hər zaman əzizdir. Şəhidlik zirvəsinə ucalan qəhrəmanların keçdikləri şərəfli ömür yolu gələcək nəsillər üçün örnəkdir. Vurğulanıb ki, Azərbaycanın ərazi bütövlüyü uğrunda canlarından keçən şəhidlərin xatirəsini və adını uca tutmaq, əbədiləşdirmək, onların yaxınlarına, doğmalarına, ailə üzvlərinə diqqət və qayğı göstərmək hər birimizin vətəndaşlıq borcudur.
Görüşlərdə şəhidlərin və qazilərin doğmaları onlara göstərilən diqqət və qayğıya görə ölkə rəhbərinə təşəkkürlərini bildiriblər.
Belediyye.info