“Bu gün ölkəmizdə həyata keçirilən sosial siyasətin əsas istiqamətlərindən birini Qarabağ müharibəsi əlilləri və şəhid ailələrinə göstərilən dövlət qayğısı təşkil edir”-bu fikirləri Gəncə şəhəri Nizami bələdiyyəsinin sədri Qoşqar Məmmədov bildirib.

Sədrin sözlərinə görə, sürətlə inkişaf edən respublikamızın iqtisadi gücünün, maliyyə imkanlarının artması fonunda sosial müdafiəyə ehtiyacı olan ailələrin maddi və mənzil-məişət şəraitinin yaxşılaşması üçün böyük imkanlar yaradılıb. Belə bir vəziyyətdə bələdiyyələrdə kənarda qalmamalı, maliyyə imkanları çərçivəsində həyata keçirilən layihələrə öz dəstəyini göstərməlidir.

Ölkənin iqtisadi gücü artdıqca bu kateqoriyadan olan şəxslərə ödənilən müavinətlərin, sosial ödənişlərin də məbləği artırılır.  Biz də ərazimizdə yaşayan şəhid və qazi ailələrini daim diqqətdə saxlayırıq.

Sədr bildirb ki, son dörd il ərzində şəhid və qazi ailələrinə və müharibə iştirakçılarına ümumlikdə 215 min manata yaxın vəsait ayrılıb. Bundan 190.218 manatı şəhid ailələrinə,  19.870 manatı qazilərə, 4.601 manatı isə müharibə iştirakçılarına ayrılıb. Bununla yanaşı Nizami bələdiyyəsi tərəfindən müqəddəs bayram günlərində 6 min manat həcmində ərzaq yardımı paylanılıb. Ötən dörd il ərzində şəhid ailələrinə yeddi nəfər olmaqla 28 sot torpaq sahəsi, qazilərə  11 nəfər olmaqla 60 sota yaxın  həyətyanı torpaq sahəsi ayrılıb.

Bələdiyyə tərəfindən həyata keçirilən layihələr ilk növbədə  vətəndaş məmnunlunğunun  təmin edilməsi məqsədi daşıyır.  

Belediyye.info