"Bələdiyyəmiz vətəndaş məmnunluğunun təmin edilməsi üçün daim ciddi  addımlar  atır”- bu fikirləri Sumqayıt şəhər  Hacı Zeynalabdin bələdiyyəsinin sədri Əsli Qasımova bildirib.

Sədrin sözlərinə görə, Sumqayıt şəhər  Hacı Zeynalabdin bələdiyyəsi yerli özünüidarəetmə orqanı olaraq inzibati ərazi çərçivəsində vətəndaşların ictimai sosial iqtisadi rifahını yaxşılaşdırılması üçün daim  lazımi tədbirlər görülməsini təşkil edir. Bu məqsədlə bələdiyyədə hər bir iş günü ərzində qəsəbə vətəndaşlarının qəbulu, onların problem və təkliflərinin dinlənməsi nəzərə alınaraq müvafiq tədbirlərin görülməsinə çalışır. Gün ərzində bələdiyyəyə müraciət edən 10 yaxın sakinin qaldırdığı məsələlərin həlli istiqamətində addımlar atılır.

Bundan başqa bələdiyyə üzvləri və qulluqçuları tərəfindən  vaxtaşırı qəsəbə ərazisində şəhid və qazi, müharibə əliləri, aztəminatlı ailələrlə görüşərək onların problemlərinin müsbət həll olunmasına çalışırıq. Belə ki, Novruz bayramı, Müqəddəs Ramazan bayramı, Qurban bayramı, 31 dekabr Dünya Azərbaycanlılarının Həmrəylik Günü və Yeni il münasibətilə  daima bayram sovqatları ilə tərəfimizdən ziyarət olunurlar.

“Büdcə gəlirlərinin artırılması üçün BAMS-da tətbiq edilən yeniliklərdən  lazımı səviyyədə istifadə edirik ”- bu fikirləri də bələdiyyə sədri səsləndirib.

Sədr qeyd edib ki,  son bir-iki ildə əvvəlki illərə baxanda müəyyən qədər təkmilləşdirərək  yerli vergi və rüsumların yığılmasına müsbət mənada xeyli köməklik etmiş olduq.

Azərbaycan Qəsəbə Bələdiyyələri Milli Asossiyası tərəfindən keçirilən seminar və kurslarda vergi  ödəyicilərinin qeydiyyata alınması ilə bağlı yerli vergi və rüsumların vaxtlı-vaxtında yerli büdcəyə yığılması və ya ödənilməsi üçün  müəyyən tədbirlərin görülməsi  ilə əlaqədar tövsiyyə və göstərişlər verilmişdir. Bunun nəticəsi olaraq əvvəlki illərə nisbətən vergi və rüsumların yığılmasında müəyyən irəliləyişlər olmuşdur. 

Fəaliyyətimizdə bələdiyyə üzvləri bələdiyyənin fəaliyyətinə öz dəstəyini göstərməsi də diqqəti çəkir.

Hazırda bələdiyyənin 15 nəfər üzvü var. Ayda minumum  bir dəfədən az olmayaraq bələdiyyənin ümumi iclasları keçirilir. Bundan başqa bələdiyyənin daimi komissiyaları fəaliyyət göstərir, daimi komissiyalar bələdiyyə ərazisində olan sosial-iqtisadi problemləri araşdıraraq bələdiyyənin ümumi iclasında çıxarırlar. Hər altı aydan bir olaraq  bələdiyyə üzvləri bələdiyyə ərazisində vətəndaşları  və seçiciləri qarşısında altı aylıq və illik  gördüyü işlər barədə hesabatlar verir və vətəndaşların problemləri ilə fərdi qaydada maraqlanaraq  hər-hansı bir dəstəyin  köməklik göstərilməsinə çalışırlar. Buna misal olaraq hər bir  bələdiyyə üzvü,  bələdiyyənin fəaliyyətinə dəstək verməklə vətəndaşların kommunal problemlərinin həllində, qəsəbənin  küçə və yollarında  abadlıq işlərinin görülməsində fəal iştirak edirlər. Və bu fəaliyyət  bundan sonra da davam edəcəkdir.

Belediyye.info