Hansı səbəbdən bu rayona 69 faiz artıq dotasiya ayrılıb... CİDDİ
Sabirabad rayonunda ilk seçkilərdə 75, 2009-cu il seçkilərindən sonra 25, sonuncu seçkilərdə isə 18 bələdiyyə formalaşdırılacaq.
25 bələdiyyənin
2023-cü ildə əldə etdiyi maliyyə vəsaitinin 21.8 faizi dotasiyadan daxil olub. Onu
da əlavə edək ki, bu rayona əvvəlki illərdən fərqli olaraq 69 faiz
artıq dotasiya ayrılıb.
Büdcə gəlirləri
qonşu Saatlı bələdiyyələrindən bir xeyli artıq olsa da problemləri demək olar
ki eynidir. Bir tərəfdən DSMF borcunun
varlığı, digər tərəfdən mülkiyyətə əmlak və torpağın verilməsindəki problemlər,
üstəlik sədrlərdə təşəbbüskarlığın olmaması bələdiyyələrin fəaliyyətini çətinə
salıb. Bununla yanaşı fəaliyyətin təbliğinə maraqlı olmamaları nəticədə rayon bələdiyyələri
haqqında mənfi təəsürat yaratmaqdadır.
Əvvəlki illərdə şəhər bələdiyyəsinin fəaliyyəti barəsində müəyyən məlumat əldə
edilsə də, hazırda fəaliyyət barəsində hesabatlar ictimailəşdirilmir.
Hər halda bu gün RİH-rəsmilərini bələdiyyələrdəki passivlik yəqin ki narahat etməlidir.
İnanmaq istərdik ki, bu seçkidən sonra formalaşacaq yeni tərkib bələdiyyələr mövcud problemləri öz fəaliyyətləri ilə həll etmiş olacaqlar. Nə isə...
Belediyye.info
Rəylər
0 Rəy