Belediyye.info 2015-ci ilin may ayının 25-i tarixindən fəaliyyətdədir.

12-03-2024 , 21:48

Son xəbərlər

Bütün xəbərlər

Ən çox oxunanlar

Bu gün Bu həftə Bu ay
Region
- +

Bələdiyyənin xanım sədri də təltif edilənlər sırasındadır

Bu günlərdə Prezident İlham Əliyevin sərəncamıyla respublikanın ictimai həyatında səmərəli fəaliyyətlərinə görə bir qrup xanım “Tərəqqi” medalı ilə təltif edilib. 

Təltif edilənlər sırasında Aöcabədi rayonu Hüsülü bələdiyyəsinin sədri  Kəhlik Əhmədova da var. 

Qeyd edək ki, Kəhlik Əhmədova uzun illərdir Hüsülü bələdiyyəsinin sədri vəzifəsində çalışır.

 Aran Qarabağda çoban Kəkliyi tanımayan az adam olar. Ömrünün 20 ildən çoxunu çobanlıq edən Kəklik Əhmədova bu peşəni seçən bəlkə də yeganə qadındır.

Azərbaycanın nadir əmək qəhrəmanlarından olan Kəklik Əhmədova AZƏRTAC-ın müxbiri ilə söhbətində təbiətə, zəhmətə bağlı olan ömür yolundan danışıb. Bildirib ki, Ağcabədi rayonunun Hüsülü kəndində çoban ailəsində anadan olub. Ailədə on uşaqdan biri olan Kəklik orta məktəbi bitirdikdən sonra atası çoban Talışın yolunu davam etdirib. 1973-cü ildən kolxozda çoban kimi fəaliyyətə başlayıb.

1975-ildə Kommunist Partiyasının sıralarına daxil olan Kəklik Əhmədova sonra Şuşa Kənd Təsərrüfatı Texnikumunda zootexnik ixtisasına yiyələnib. Qoyunçuluq sahəsində yüksək göstəricilər əldə etdiyinə görə qabaqcıl çoban kimi “Əməkdə fərqlənməyə görə” medalına, “Sosializm yarışının qalibi”, “Beşilliyin gənc qvardiyaçısı” döş nişanlarına, respublika Lenin Komsomolu Mükafatına layiq görülüb. Keçmiş SSRİ Xalq Təsərrüfatı Nailiyyətləri Sərgisinin qızıl medalını alıb, ali məclislərdə iştirak edib. Kəklik xanım öz əməyi, zəhmətsevərliyi sayəsində nəinki Ağcabədidə, eləcə də Azərbaycanda tanınmış çoban kimi məşhurlaşıb.

Kolxoz dağıldıqdan sonra – 1993-cü ildə “Kəklik” tam sərbəst icarə kollektivi, 1996-cı ildə isə fərdi fermer təsərrüfatı yaradıb. Qoyunçuluqla yanaşı pambıqçılıq, taxılçılıqla, bostan-tərəvəz yetişdirməklə də məşğul olub. 

1999-cu ildən bələdiyyə sədri vəzifəsində çalışır.

Rəylər

0 Rəy


Rəy yaz

Oxşar xəbərlər