Belediyye.info 2015-ci ilin may ayının 25-i tarixindən fəaliyyətdədir.

20-05-2023 , 19:18

Son xəbərlər

Bütün xəbərlər

Ən çox oxunanlar

Bu gün Bu həftə Bu ay
Region
- +

İcra başçısı bələdiyyə parkının açılışında iştirak edib

Goranboy şəhərində, Ümummilli Lider Heydər Əliyevin 100 illiyi ilə bağlı,  Göranboy bələdiyyəsi tərəfindən yeni salınan Mini Park sakinlərin istifadəsinə verilib.

Bu barədə məlumatı Goranboy RİH yayıb.


Goranboy rayonunun bütün yaşayış məntəqələrində, o cümlədən Goranboy şəhərində son illərdə geniş vüsət alan əsaslı tikinti, quruculuq, bərpa və abadlıq işləri rayonumuzun simasına müasirlik gətirməklə yanaşı, həm də rayon sakinlərinin zövqünü oxşayır. Xüsusən də, Goranboy şəhəri ərazisində Park, Xiyaban, küçə və səkilərin abadlaşdırılması, yeni ağac və gül kollarının əkilməsi, küçələrə yeni asfalt örtüyünün salınması və gecə işıqlandırılmasının qurulması şəhər ictimaiyyəti və şəhərə gələn qonaqlar tərəfindən yüksək dəyərləndirilir.


Ötən hesabat ilində Goranboy şəhərinin 19 küçəsində əsaslı abadlıq-quruculuq, yenidənqurma işləri həyata keçirilmiş, küçələrə yeni asfalt salınmış, gecə işıqlandırılması təmin edilmişdir. Cari ildə də şəhərin 20-yə yaxın küçələrində müvafiq işlərin aparılması davam etdirilir.


Bu istiqamətdə aparılan işlər çərçivəsində, Goranboy şəhərində Goranboy-Ağcakənd avtomobil yolunun sol tərəfində, şəhərin Civəzadə küçəsində, Ümummilli Lider Heydər Əliyevin 100 illiyi ilə bağlı, Göranboy bələdiyyəsi tərəfindən yeni salınan Mini Park sakinlərin istifadəsinə verilib.


Tədbirdə, rayon İcra Hakimiyyətinin başçısı Məhərrəm Quliyev, Goranboy bələdiyyəsinin  rəsmiləri, üzv və qulluqçuları,   rayonun digər rəhbər vəzifəli şəxsləri, ictimai fəallar və şəhər sakinləri iştirak ediblər.