“Ölkəmizdə dövlət idarəçiliyinin daim təkmilləşdirilməsi, demokratik təsisatların inkişaf etdirilməsi istiqamətində uğurla aparılan siyasət nəticə etibarı yerli özünüidarəetmə orqanlarının inkişafına müsbət təsirini göstərməkdədir”- bu fikirləri Milli Məclisin Regional Məsələlər Komitəsinin iclasında Azərbaycan Qəsəbə Bələdiyyələri Milli Assosiasiyasının və M.Ə.Rəsulzadə bələdiyyəsinin sədri Hümbət Hüseynov bildirib.

Sədr bildirib ki, ölkə bələdiyyələri də yaradılan bu əlverişli mühitdən yararlanaraq üzərilərinə düşən vəzifələri daha məsuliyyətlə icra edərək fəaliyyətlərini   davam etdirmişlər.

Prezident Administrasiyasının Bələdiyyələrlə iş sektoru, Milli Məclisinin Regional Məsələlər Komitəsi və Ədliyyə Nazirliynin Bələdiyyələrlə iş mərkəzi ilə əməkdaşlığımız yüksək səviyyədə qurulmuşdur. Bununla yanaşı bələdiyyələrin fəaliyyəti ilə bağlı olan bütün qanunvericilik aktlarının ilkin müzakirələrində milli assosiasiyaların təmsilçiləri yaxından iştirak edərək  öz təkliflərini bildiriblər.

Hümbət Hüseynov çıxışında daha sonra qeyd edib: “Hesab edirəm ki, vaxtaşırı olaraq qəbul olunan yeni qanunlar və və gələcəkdə bu imkanlar daha da genişlənəçəkdir.

Bələdiyyələrin maliyyə potensialının gücləndirilməsi, yerli vergi və ödənişlərin yığılması işinin səmərəli təşkili, bu sahədə ciddi tədbirlərin görülməsi qarşımıza bir vəzifə kimi qoyulmuşdur.

Bununla bağlı Prezident Administrasiyasının dəstəyi ilə Azərbaycan Bələdiyyələrinin Milli Assosiasiyaları tərəfindən hazırlanmış Bələdiyyələrin Avtomatlaşdırılmış Məlumat Sistemi (BAMS) proqramının imkanları 2023-cü ildə yenilənərək tam istifadə edilməsi üçün respublikanın bütün bələdiyyələrinə tövsiyyə olunmuşdur.

Bələdiyyənin maliyyə əsasını təşkil edən fiziki şəxslərdən əmlak vergisi və torpaq vergisi ödənişlərində üzləşdiyimiz problemlərin aradan qaldırılmasına nail olunmuşdur. Belə ki, proqram vasitəsilə Əmlak Məsələləri Xidmət İdarəsinə tam inteqrasiya olunaraq ödəyicilərin əmlakı və torpağı haqqında məlumat əldə edilərək hesablanması üçün proqrama yüklənməsinə şərait yaradılmışdır.

Bu da bütün bələdiyyələr üçün böyük stimuldur ki, 2024-cü ildə keçiriləcək bələdiyyə seçkiləri ərəfəsində seçicilərimizin ümidlərini doğrultmağa səy göstərə bilsinlər.

Belediyye.info