Şəmkir regional ədliyyə idarəsi bələdiyyə üzv və qulluqçularının iştirakı ilə növbəti seminar-müşavirə keçirilib
“Heydər Əliyev İli”ndə Ümummilli Liderin anadan olmasının 100 illiyinə həsr olunan tədbirlər çərçivəsində Şəmkir regional ədliyyə idarəsi tərəfindən Şəmkir rayonunda fəaliyyət göstərən bələdiyyə üzv və qulluqçularının iştirakı ilə seminar-müşavirə keçirilib.
Tədbirdə regional idarənin rəisi Zahir Hümbətov ulu öndər Heydər Əliyevin ədliyyə orqanlarının müasir dövrün tələblərinə uyğun qurulmasında, yerli demokratiyanın bərqərar edilməsində müstəsna rolundan və xidmətlərindən bəhs edib, dahi şəxsiyyətin çoxşaxəli irsinin dərindən öyrənilməsi, tədqiqi və geniş təbliğinə toxunaraq bu məqsədlə yubiley ilində görülən tədbirlər barədə məlumat verib.
Sonra regional idarənin əməkdaşları Qara Muradov, Heydər Əliyev "Yerli özünüidarənin həyata keçirilməsində
etik davranış qaydalarına əməl olunmasının insan hüquqlarının müdafiəsində əhəmiyyəti", "Bələdiyyələrlə iş portalı"nın təmilləşdirilmiş versiyasının yeni imkanları və portaldan istifadə barədə bələdiyyə üzv və qulluqçularının məlumatlandırılması"
mövzularında çıxışları dinlənilib, iştirakçıların sualları cavablandırılıb.
Şəmkir regional ədliyyə idarəsi
Rəylər
0 Rəy