Yerin hər zaman görünəcək, dəyərli insan
Korifey sənətkarımızla vida mərasimində iştirak etmıyi özümə börc bildim. Əlavə edim ki, bir neçə dəfə belə vida mərasimlərində iştirak etmişəm. Amma etiraf edim ki, belə izdiham onların heç birində görməmişdim.
Hər bir insan nədənsə yaşa dolduqca, bəzən ölümünü gözə aldığından, ürəyindəki arzularının tez bir zaman kəsiyində gerçəkləməsinə çalışır. Çalışdıqca bəzən elə olur ki, nə isə qurban verməli olur. Sanki qurban verdikcə vida mərasimində iştirak edənlərin sayı da azalır.
Dəyərli sənətkarımız isə bu izdihamı ləyaqəti ilə, şərəfi ilə, qüruru ilə, ən nəhayət Azərbaycan Kişisinə xas olan müsbət addımları ilə qazanmışdı. Vida mərasimində bir adamın üzünün güldüyünü görmədim. Hamı elə bil ən yaxın adamını itirmişdi.
İş elə gətirmişdi ki, bir neçə dəfə dar çərçivədə keçirilən məclislərdə onunla görüşüm olmuşdu. Sadəcə danışığı ilə məclisdəkiləri ovsunlamağı bacarmışdı.
Sonuncu görüşüm isə Liv Bona Dea hospitalında olmuşdu. Görüşsəmdə söhbət etməmişdim. Çünki halı o deyildi. Amma onu müşayət edənlə bir xeyli söhbət etdim. Onda ayağına görə, fizioterapiya müalicəsi alırdı. Nə isə....
Allah korifey sənərkarımıza rəhmət eləsin.
Yerin hər zaman görünəcək, dəyərli insan. İnanmıram ki, yerin belə tez bir zaman da dolsun.
Vüqar Tofiqli
Rəylər
0 Rəy