14-01-2025 , 21:27
966
Yüklənir...
Ağsu rayonu Gəgəli bələdiyyəsi
04-09-2023
Gəncə şəhəri Nizami bələdiyyəsi
08-04-2023
07-04-2023
07-04-2023
06-04-2023
06-04-2023
06-04-2023
18-11-2024
21:35
25-10-2024
22:08
17-10-2024
09:05
24-06-2024
17:06
+
Bu qəsəbədə namizədlərin şəhid Emin Qədirovun ailəsi ilə görüşü keçirilib
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Xəzər rayonu Zirə bələdiyyəsi üzrə Yeni Azərbaycan Partiyasının (YAP) namizədlərinin şəhid Qədirov Eminin ailəsi ilə görüşü keçirilib.
Görüşdə giriş sözü ilə çıxış edən təşviqat qrupunun üzvü olan Nəcəfzadə Qədir bələdiyyə institutunun yerli demokratiyanın göstəricisi olduğunu bildirib. Təşviqat qrupunun üzvü yanvarın 29-da bələdiyyə seçkilərinin tam şəffaf və demokratik şəraitdə keçirilməsinə hər cür şərait yaradıldığını qeyd edib.
Daha sonra Nəcəfzadə Qədir müqəddəs torpaqlarımızın düşmən tapdağında azad olunmasında canlarını fəda edən şəhidlərimizin ölkəmizin hər yerində olduğu kimi, Xəzər rayonunda da xatirələrinin əziz tutulduğundan və ailələrində mövcud olan problemlərin dərhal aradan qaldırılması istiqamətində görülən işlərdən danışıb. Vurğulayıb ki, şəhid ailələrinə göstərilən qayğı və problemlərin həlli qarşıda duran ən vacib vəzifələrdən biridir.
Görüşdə çıxış edən bələdiyyə üzvlüyünə namizədlər Bəhlul Qurbanov, Anar Hüseynli, Xəyalə Novruzova, Vüsalə Atayeva ötən müddət ərzində yerli özünüidarəetmə orqanlarının inkişafı istiqamətində mühüm addımlar atıldığını diqqətə çatdırmışlar.
Ziyarət olunan şəhid Qədirov Eminin ailə üzvləri şəhid ailələri və qazilərə dövlət səviyyəsində göstərilən diqqət və qayğıya görə Prezident İlham Əliyevə və birinci vitse-prezident Mehriban xanım Əliyevaya minnətdarlıqlarını bildirərək yeni zəfərlər naminə yanvarın 29-da keçiriləcək seçkilərdə YAP-ın namizədlərinə səs verəcəklərini bildiriblər.
Rəylər
0 Rəy