Qazidən bələdiyyə sədrinə minnətdarlıq məktubu
Şabran Şəhər Bələdiyyəsinin sədri
hörmətli Fidan xanım Fərzəliyevaya
Uzun müddətdir qarşılaşdığım bir haqsızlıqla bağlı dörd
aydan artıq mübarizə aparırdım. Bu çətin prosesdə məhz Sizin — Fidan xanım Fərzəliyevanın
— ədalətli, prinsipial və qanunauyğun mövqeyi sayəsində problemim öz həllini
tapdı. Fidan xanım, göstərdiyiniz diqqət və həssas yanaşma mənim üçün böyük mənəvi
dayaq oldu.
Mən Aprel döyüşləri və Vətən müharibəsi iştirakçısıyam. 5
medal, 15-dən artıq fəxri fərman və 10-dan çox təşəkkür məktubu ilə təltif
olunmuş bir döyüşçü kimi haqqın və ədalətin nə qədər önəmli olduğunu yaxşı
bilirəm. Bu baxımdan Fidan xanım Fərzəliyevanın və rəhbərlik etdiyi kollektivin
obyektiv mövqeyi mənim üçün xüsusi əhəmiyyət daşıyır. Fidan xanımın vətəndaşa
olan münasibəti, qanuna və ədalətə sadiqliyi təqdirəlayiqdir.
Eyni zamanda qeyd etmək istəyirəm ki, mən uşaq yaşlarımdan
ata və anamı itirmişəm və bu həyatda tək yaşayıram. Belə bir taledə insan üçün ən
böyük dayaq vicdanlı və mərhəmətli insanlardır. Fidan xanım, Sizin kimi
xeyirxah və qayğıkeş rəhbərin varlığı mənim üçün böyük təsəllidir. Göydə Allah,
yerdə isə Fidan xanım Fərzəliyeva kimi ədalətli insanların olması insana ümid və
güvən verir.
Fidan xanım Fərzəliyevanın rəhbərlik etdiyi kollektiv də vətəndaşlara
qarşı diqqətli və nəzakətlidir. Xüsusilə Şirin bəy, Bənövşə xanım və digər əməkdaşların
həssas münasibəti bir daha Fidan xanımın formalaşdırdığı sağlam və ədalətli iş
mühitinin göstəricisidir.
Hörmətli Fidan xanım Fərzəliyeva, Sizə və kollektivinizə
göstərdiyiniz dəstəyə görə dərin minnətdarlığımı bildirir, fəaliyyətinizdə daim
uğurlar arzulayıram. Rayonumuzda Fidan xanım Fərzəliyeva kimi haqqı qoruyan və
vətəndaşına sahib çıxan rəhbərin olması böyük qürur və xoşbəxtlikdir.
Hőrmətlə: Murad Bayramov
Rəylər
0 Rəy